Datorren larunbateko EKOmerkatuak, urriaren 5ean, ezti ekologikoari eskainiko dio eguna.  Hilabetero parte hartzen duten ezti ekoizleek, Erlan eta Erlandere, protagonista izango dira goizean zehar. Gainera, 'Zatoz eta dastatu' espazioan eztia dastatzeko aukera egongo da. 10:00etatik 14:00etara izango da, Iruñeko Antzinako Autobus Geltokiko nasetan. Urriaren 3an,  osteguna, Tina Asensio Baratza Kafeako bioenergetika sukaldariak tempeh eta wokeko barazkiekin tako mexikarra prestatuko du EKOtopaketan.

Luzaideko eta Arnegiko ikasleek Aspace Navarra gaztandegia bisitatzeko aukera izan zuten Orreagan. Bertan, esneki ekologikoak egiten dira, baita INTIAk Orreagan dituen instalazioak ere, esne-behi ekologikoekin. Esperientzia horri esker, abeltzaintza ekologikoaren prozesua eta esnekien ekoizpena bertatik bertara ezagutu ahal izan zuten, hala nola jogurtak eta esnea. Lehen hezkuntzako 26 ikaslek abeltzaintza ekologikoari balioa emateko jardunaldian parte hartu zuten eta Nafarroako elikagai ekologikoak barne hartzen zituen hamaiketakoa egin zuten, bertako produktuak eta produktu jasangarriak kontsumitzearen garrantzia azpimarratuz. Datorren astean, Garralda, Auritzberri, Zubiri eta Auritzeko ikastetxeek ere Orreagako finka bisitatzeko aukera izango dute, eskoletako ekoizpen ekologikoari buruzko sentsibilizazio-proiektuaren barruan. Ekimen honen bidez, eskola-umeak nekazaritza eta abeltzaintza jasangarriaren garrantziaz hezi nahi dira, adin goiztiarretik elikadura-ohitura osasungarriak sustatuz.

Atzo, Irailaren 23an ospatu zen Ekoizpen Ekologikoaren Europako Egunak esanahi berezia izan zuen Aspace Fundazioaren Iruñeko Aspace Press Zentro Okupazionalaren erabiltzaileentzat. Erakundeak bat egin zuen CPAEN/NNPEKen Borraja Komandoaren ekimenarekin, Lodosako Dorre Berdearen finkako tomate ekologikoak biltzeko, buruxkaketaren bidez, eta bost mila pote tomate frijitu ekologiko lortzeko. Egun batzuen buruan entregatuko dira Elikagaien Bankuan. Ekintza ekologiko eta solidario horrekin bat egin zuten, halaber, Conservas Pedro Luisek (bere soroak utzi zituen eta kontserba egingo du), Deierriko Buruxka elkarteak eta 601 ekoiztetxeak. Azken hori ikus-entzunezko erreportaje bat prestatzen ari da, sare sozialen bidez partekatuko dena. Laura Remirez Lodosako alkateak eta Jose Maria Aierdi Landa Garapen eta Ingurumen kontseilariak ere parte hartu zuten, eta hamaiketako ekologikoa prestatu zuten, Maria Jose Arrondo CPAEN/NPEKeko presidentearekin batera, indarberritzeko.

Aurten Burlata LHk eta CPAEN/NNPEKek elkarlanean jardun dute berriro, eta maiatzean menu osasungarriak eta iraunkorrak eskaini zituzten jendearentzat zabalik zuten jantokian, Nafarroako elikagai ekologikoekin eginak. Gainera, CI Burlata FPko ikasleek ere parte hartu zuten joan den Nafarroa Ekologikoaren IX. Azokan, elikagai ekologikoen showcooking batekin eta, ondoren, dastatzearekin.

Nafarroako ekoizpen ekologikoaren hitzordu handiak ateak itxi zituen atzo, aurreikuspen guztiak gaindituz eta milaka bisitarirekin bertaratze errekorra hautsiz. 37 postu eta 30 jarduera baino gehiago egin dira asteburu honetan Noaingo Zentzumenen Parkean. Azoka jai giroan igaro da asteburu osoan, eta Nafarroako produktu ekologikoen azokarik garrantzitsuena bihurtu da.

Oscar Ibañez eta Joxe Uranga landatutako Moya berde tomate batek irabazi dute larunbatean Iruñean egin den antzinako tomatearen bederatzigarren lehiaketan. Bigarren postua Juan Pedro Santosek Bigezalen landatutako Sunbillako Arrosa tomatentzak izan zen, iaz garaile. postuan, Mendigorriaak tomte gorri batek, Fran Yoldik Mendigorrian landuak, saritutako tomateen zerrenda osatu du.