Nafarroako Azoka Ekologikoaren irudi berria aurkezten dizuegu. Zortzi edizio egin dira, eta CPAEN/NNPEKek azokarekin zerikusia duten elementu guztien irudia berritzea baloratu du. Irudi berrian euroorria nabarmentzen da, ziurtatutako elikagai ekologikoak ezagutzeko sinboloa.
Europar Batasuneko logotipo ekologikoak ikusizko identitate koherentea eskaintzen die produktu ekologikoei, eta kontsumitzaileek produktu ekologikoak identifika ditzaten errazten du; izan ere, logotipoa baimendutako kontrol-agentzia edo -erakunde batek ziurtatutako produktu ekologikoetan soilik erabil daiteke.
Ziurtagiriak ekoizpen-, eraldaketa-, garraio- eta biltegiratze-baldintza zorrotzak betetzen direla egiaztatzen du. Produktu batek gutxienez osagai ekologikoen % 95 baditu soilik eraman dezake logotipo ekologikoa, adibidez. Azokan egongo diren elikagai guztiak baimendutako kontrol-erakundeek ziurtatzen dituzte.
Irailean itxarongo zaituztegu Nafarroako Azoka Ekologikoan!