Zozketaren lege-oinarriak

Zozketa hau Nafarroako Nekazaritza Produkzio Ekologikoaren Kontseiluak (CPAEN/NNPEK) antolatzen du; IFK Q3150029A du eta egoitza Serapio Huici etorbidea, 22 - 1. solairua, Peritoen Eraikina, 31610 Atarrabia (Nafarroa) du, Nafarroako XI. Azoka Ekologikoaren barruan. Zozketari buruzko edozein kontsultatarako: cpaen@cpaen.org · 948 178 332.

Zozketaren helburua azokara joatea sustatzea eta Nafarroako produkzio ekologikoa ezagutaraztea da. Parte hartzea doakoa da, eta ez dago inolako produktu edo zerbitzu erostera baldintzatua. Lurralde-esparrua Nafarroako Foru Komunitatea da.

2026ko irailaren 2tik irailaren 10era arte parte hartu ahal izango da. Ez dira onartuko epez kanpo erregistratutako izen-emateak.

18 urtetik gorako pertsona fisikoek parte hartu ahal izango dute, Nafarroako Foru Komunitatean bizi direnak. Zozketaren kudeaketan zuzenean parte hartzen duten erakunde antolatzailearen langileak kanpoan geratzen dira. Pertsona bakoitzak behin baino ezin izango du parte hartu; izen-emate bikoiztuak edo datu faltsu nahiz osatugabeak dituztenak baliogabetuko dira.

Parte hartzeko, villavesetan dauden pertxetako QR kodea eskaneatu behar da, edo zuzenean www.navarraecologica.org/eu/zozketa-xi-azoka helbidera sartu, eta izena emateko inprimakia bete eskatzen diren datuekin, oinarri hauek eta datuak babesteko politika onartuz. Epe barruan behar bezala erregistratutako izen-emate bakoitzak zozketan parte hartzeko eskubidea ematen du.

Sari bakarra zozketatuko da: 40 €-ko Nafarroako produktu ekologikoz osatutako saski bat. Saria pertsonala eta besterenezina da; ezin izango da dirutan ezta beste produktu batengatik ere trukatu, eta azokaren eremuan emango da.

Zozketa modu publikoan 2026ko irailaren 11an, goizeko 12:00etan, ausazko zozketa baten bidez. Irabazle bat eta bi ordezko aterako dira, lehenengoa aurkitu ezin bada edo sariari uko egiten badio. Irabazleari ekitaldi berean eta/edo inprimakian emandako kontaktu-datuen bidez jakinaraziko zaio. 

Irabazleak irailaren 11, 12 eta 13an izango du saria onartu eta jasotzeko aukera, Noaingo Zentzumenen Parkean. Epe hori erantzunik gabe igarotzen bada, sariari uko egiten diola ulertuko da. Entregarako, nortasun-agiria eskatu ahal izango da.

Sariari indarrean dagoen araudi fiskala aplikatuko zaio. Balio txikikoa denez, ez dagokio atxikipenik ezta konturako sarrerarik ere, erakunde antolatzaileari dagozkion betebeharrak alde batera utzi gabe.

Arduraduna: CPAEN/NNPEK, IFK Q3150029A, Serapio Huici etorbidea 22, 31610 Atarrabia (Nafarroa). Helburua: parte-hartzea eta zozketa kudeatzea eta, hala badagokio, irabazlearekin harremanetan jartzea; eta, soilik berariazko eta bereizitako adostasuna ematen bada, azokari eta erakundearen jarduerei buruzko informazioa bidaltzea. Lege-oinarria: interesdunaren adostasuna. Kontserbazioa: datuak zozketak irauten duen bitartean gordeko dira eta, ondoren, zozketatik eratorri litezkeen erantzukizunei aurre egiteko beharrezkoa den denboran; komunikazioetarako datuak, adostasuna ezeztatu arte. Hartzaileak: ez zaizkie datuak hirugarrenei lagako, legezko betebeharrengatik izan ezik. Eskubideak: datuetarako sarbide-, zuzenketa-, ezabaketa-, aurkaritza-, mugaketa- eta eramangarritasun-eskubideak baliatu ditzakezu, cpaen@cpaen.org helbidera idatziz. Halaber, erreklamazioa aurkez dezakezu Datuak Babesteko Espainiako Agentzian (www.aepd.es).

Irabazleak, kontrakoa adierazi ezean, bere izena eta datuak erakundearen komunikazio-kanaletan zabaltzea baimentzen du, informazio- eta azoka-zabalkunde-helburuekin.

Erakunde antolatzaileak oinarri hauek aldatzeko, epea luzatu edo laburtzeko edo zozketa bertan behera uzteko eskubidea du, arrazoi justifikatuengatik, zabalkunde-bide beretik jakinaraziz, eta horrek ez du kalte-ordainerako eskubiderik sortuko.

Zozketan parte hartzeak oinarri hauek osorik onartzea dakar. Ez betetzeak parte-hartzailea baztertzea ekar dezake.

Oinarri hauek Espainiako legediaren mende daude. Edozein auzitarako, alderdiak Iruñeko epaitegi eta auzitegien mende jartzen dira, kontsumitzaileari legez dagokion forua alde batera utzi gabe.

Oinarriak www.navarraecologica.org webgunean eta izena emateko inprimakian(www.navarraecologica.org/eu/zozketa-xi-azoka) egongo dira eskuragarri parte hartzeko epe osoan.