Ekoizpen sistemak trazabilitate bati loturik daude, landatik mahaira, ekoizpen ziklo naturalak errespetatuz eta ez ongarririk ez produktu kimikorik erabili gabe.

Elikagai ekologikoek ez dute gehigarririk, ez kontserbagarririk, ez zaporearen indargarri aizunik. Modu naturalean, usain handiagoa eta kolore biziagoa dute eta betidaniko zaporeak atxikitzen dituzte, indar handiz. Ummm!

Lantzen diren lurren propietateen kontserbazioa eta lantzeko modua direla-eta, elikagai ekologikoek bitamina eta proteina gehiago dituzte. Gure ttikiendako hoberena.

Hondakin toxikorik ez dutenez, gure organismoak zuzen asimilatzen ditu elikagai ekologikoak, BERE funtzio metabolikorik aldatu gabe, eta gainera gure immunitate-sistema hobetzen dute.

GEO (Genetikoki Eraldatutako Organismoak). Nekazaritza ekologikoak bultzatzen du espezie eta moten aniztasun genetikoaren kontserbazioa eta, horrekin batera, laborantzaren paisaiaren aberastasuna.

Nekazaritza ekologikoa funtsezkoa da ingurumena babesteko, uraren, lurraren eta airearen kutsadura galarazten duelako. Topatu genuena baino planeta hobea uzten laguntzen dugu.

Nekazaritza ekologikoak natur baliabideak babesten ditu eta gure herrien bizi kalitatea hobetzen, sozioekonomian eta kulturan ekartzen dituen onurei esker.

Modu ekologikoan kontsumitzean geure ekarpena egiten diogu tokiko erkidegoen eta nekazari txikien garapen jasangarriari, merkataritza-harreman zuzenagoak bultzatuz, elikagai bakoitzaren aztarna ekologikoa apaltzen duela ahantzi gabe.