Datorren larunbatean, apirilaren 27an, Iruñean egingo den mobilizazio sozialerako deia egin dute, ehundik gora gizarte erakunderen babesarekin

Elikagai ekologiko erraldoiek Iruñeko Alde Zaharreko San Frantziskoko liburutegia, Cintruenigoko Liburutegi Publikoa eta Tafallako Liburutegi Publikoa bisitatuko dituzte udaberri honetan, apirilaren 22tik ekainaren 21era bitarte. Erakusketa horretan, baratze ekologiko baten maneiua ikasteko aukera ere egongo da, hiru saiotan banatutako ikastaro batean.

Datorren larunbatean, apirilaren 6an, betizu haragiari eskainiko zaio jardunaldia. Domiña, betizu behien haragia eta txorizoa egiten duen Goizuetako abeltzaintza ekologikoa, hileroko azokara joan ohi da, eta 12:00etatik 14:00etara dastatu ahal izango da bere produktu goxoak ‘Zatoz eta dastatu’ gunean. Horrez gain, Ganaderas en Red elkartearen ‘Sabores y raíces’ liburua aurkeztuko da. Estatuko emakume abeltzain estentsiboen kolektiboa da, eta Maite Sánchez Domiñako abeltzainak parte hartzen du bertan. Ostegun honetan, gainera, betizu haragia dastatu ahal izango da EKOtopaketan, Geltokiko Ion Gulinaren eskutik.