Tipula eta baratxuria bigundu. Potxatu ondoren, brokoliaren zurtoinen barrualdea gehituko dugu, zentimetro erdiko laukitxoetan moztuta. Arroza gehitu eta dena nahasten dugu.
Barazki-salda gehituko dugu (hiru zati arroz-salda batengatik). Erdi egosita (arroz horren egosketa-denbora 25 minutukoa da) zentimetro erdiko karratxuetan ebakitako kalabaza eta brokoli-adaxka txikituak gehituko ditugu, eta dena nahastuko dugu. Egosketa-denboran, salda gehiago erantsiko dugu, beharrezkoa bada. Egosketa amaitu baino bost minutu lehenago, gurina eta 25gr gazta birrindu gehitu eta arrozean nahastu.
Bestalde, akonpainamendu gisa, kalabazaren 1cm-ko gurpil bat moztuko dugu. Azala ondo zorroztatuko laban batekin kendu eta zartaginean jarriko dugu, su ertaineko olio pixka batekin +/- 5 minutuz alde bakoitzean gatz pixka bat gehiuz. Erreserbatzen dugu eta nire kasuan, Irulegiko eskuaren forma sortu dut, duela gutxi aurkitutakoaren omenez.
Risottoa egin aurretk, borraja-krema bat prestatuko dugu, hostoak egosten, eta patata bat 10 minutu inguru lapiko express batean. Beste lapiko batean, oliba olio tipularekin eta porru xehatuarekin potxatuko dugu, borraja egosia eta patata gehituko dizkiogu. 20 minutu inguru utzi genituen prest irabigailutik pasatzeko krema fin bat lortu arte.
Risottoarekin molde bat bete eta platerean irauliko dugu, txigortutako alabaa-hazi batzuekin eta aldez aurretik prestatutako gazta-txip baekin apainduta (Gazta arrailtzen da, plater batean ondo zabaltzen da eta mikrouhin-labean minutu 1 eta erdiko potentzia maximoan sartzen da, ondo hozten uzten da, eta hari fin eta karraskatsu bat lortzen da). Ondore, kalabaza-eskua jarriko dugu zabaldu dugun borraja-kremaren gainean.
Jose Mª Beobide kalea, 3
31005 Iruña
Av. Serapio Huici, 22 - 1ª Planta. Edificio de Peritos 31610 Villava (Navarra) | Tel-Fax: 948 17 83 32-948 25 66 42 | cpaen@cpaen.org
