Nafarroako ekoizpen ekologikoa protagonista izan da TVEko Aqui la tierra programan ekainean eta uztailan

Aurretik aipatu genuen bezala, TVEko Aqui la tierra programak Nafarroako hiru ustiategi ekologiko bisitatu zituen maiatzean, Nafarroako Azoka Ekologikoa dela eta, eta Nafarroako sektore ekologikoa ezagutzera emateko.

Hain justu, programaren lan taldeak hiru ustiategi bisitatu zituen: Salinas de Oro, Sarbil eta Elkarkide. Lehenengoan gatz ekologikoa ekoizten dute, historiaurreko Tetis itsasoan jatorria duena. Sarbil, berriz, eko abeltegi iraunkorra da eta bertan ekoizten dute Etxauriko haragi ekologikoa. Elkarkidek, azkenik, Aranzadiko meandroan ditu baratzak, eta mota askotako barazkiak ekoizten dituzte. Horrez gain, gizarteratze proiektu garrantzitsua garatzen ari dira.

Salinas de Oro-ri buruzko programa joan den ekainaren 20an izan zen 20:30etan, eta  ekainaren 29an, berriz, Sarbilen behor eta behi haragiaren programa estreinatu  zen. Hemendik gutxira, gainera,  Elkarkide baratza ekologikoaren txanda izanen da.

Ez dira Nafarroako ekoizpen ekologikoari buruzko programa bakarrak izanen. Izan ere, milioi bat berrehun mila pertsona inguruko audientzia duen programak beste hiru saio grabatuko ditu irailean, abenduan eta 2018ko apirilean.