Nafarroako ekoizpen ekologikoa nazioarteko lehen lerroan dago berriro. Aceite Artajo, CPAEN/NNPEK-ko operadoreak, bere oliba-olio birjina estra ekologikoetako hiru olio,  EVOOLEUM 2026 gida ospetsuan sartzea lortu du. Gida horrek munduko 100 AOVE onenak hautatzen ditu.

RTVE nafarroako nekazal produkzio ekologikoarekin duen konpromisua mantentzen du CPAEN/NNPEK-ko operadoreak bisitatzen jarraituz eta haien lanei garrantzia emanez. 

Ekolok beste urrats bat eman du elikadura osasungarriaren aldeko apustuan, limonada lerro berria aurkeztu baitu Madrilgo Salón Gourmeten. 

33 mahastizaintzako eskualdek hartu zuten parte Ecovino sarien hamaseigarren edizioan. Errioxako Unibertsitateko Gune Zientifiko-Teknologikoan (CCT) du egoitza. Hogeita hamar bat epaile adituk osatutako epaimahai batek, Antonio Tomás Palacios irakaslea buru zela, lehiaketara aurkeztutako berrehun eta laurogeita sei erreferentziak baloratu zituen, guztiak ekologikoan ziurtatuak eta Euro-Orriarekin akreditatuak.

Nafarroako Jatorri Deituraren Kontseilu Arautzailea 10 ardo saritu ditu Erriberrin horietatik 3 ardo ekologikoak dira. 

Gukalde Artiedako kontserba agroekologikoen lantegi berria, mermeladetan eta sasoiko kontserbetan espezializatua dago.

RTVEk nekazaritza-ekoizpen ekologikoaren aldeko apustua egiten jarraitzen du, Nafarroako hainbat eremutara aldizkako bisitak eginez sektore ekologikoaren lana aletzen joan da.

Fontellaseko familia enpresak AOVE onenen sailkapena lortu duten hiru produktu irabazi ditu World Best Olive Oils lehiaketaren rankingean.

Aquí la Tierra RTVEko lantaldea, 2017az geroztik Nafarroara etortzen den saioa, ekainaren amaieran etorri zitzaigun berriro, eta Nafarroako ekoizpen ekologikoei buruzko lau erreportaje grabatu zituen Sakana inguruan eta Faltzesen.

Intereco ekoizpen ekologikoa kontrolatzeko agintarien irabazi-asmorik gabeko elkarteak ekoizpen ekologikoari buruzko online prestakuntza antolatu du, Europako araudiaren arabera.

Otsailaren 4an eta 5ean izango da, Anizen, eta behi-esne abeltzaintza ekologikoaren elkartearen lehen batzarra egingo da. Besteak beste, Jauregia Esnekiak bisitatuko da Anizen eta Aspace Biointegra Orreagan. 

Hilabete honetarako ekoplan bat proposatzen dizuegu. Sagardoaren denboraldia hasten da, eta horretaz disfrutatzeko Oskotzeko sagar ekologikoaren ekoizleei bisita egitea da planik onena, hiru sagardo dastatu eta sagarrondoetara bisita eginez. Egunak Orgi basoan zehar paseatzen jarrai dezake, harizti bakarrak dituen milaka urteko basoan. Amaitzeko, hamaiketakoa edo bazkari ekologikoa Ultzama baserri-eskolan.

Rebeca Germán Almagro eta David Ruiz Azpilicueta Elkea dira, Bakedano eta Artaxoa artean oliba-olio birjina estra, garagardoa, sagarrak, lekaleak eta garagarra ekoizten dituen enpresa agroekologikoa. Hamar urte dira ekologikoaren ziurtagiria lortu zutela, baina 2016an hasi zen haien apustu handia, bizibide gisa agroekologiaren aldeko apustua egitea erabaki zutenean. Hileko lehen larunbatero saltzen dituzte euren produktuak Iruñeko EKOmerkatuan, baina zuzeneko salmentako beste ekimen batzuetan ere aurki ditzakegu, Lizarrako Plazara! azokan, esaterako.

Miriam Otxotorena hileko lehen larunbatero joaten da EKOmerkatura bere ardi-gazta ekologikoekin, Andia mendilerroaren magalean garatzen diren ardiena. Bere "Axuribeltz" marka Nafarroako kalitatezko gazten erreferentea da dagoeneko. Familia ustiategia da, eta bertan bere bikotearekin, Xabier Mitxelenarekin, lan egiten du, eta Garai eta Eñaut semeen laguntzarekin, zeinak, ikasteaz gain, landa-lanetan eta gaztak egiten laguntzen duten.

Gorka Pérez Santa Cecilia Irunberriko Azpea Upeltegiak eta upeltegiko jatetxea kudeatzen dituen taldeko kidea da. Nekazarien, mahastizainen, ostalarien eta ardandegien familiatik dator, eta tradizio horri eusten dio familia-negozio honetan, non ekologia bere DNAren parte baita. Hileko lehen larunbatero Iruñeko EKOmerkatuan aurkituko duzue. Erraza izango da harekin hitz egitea, bere ardoei, filosofiari eta konpromisoari buruz zerbait gehiago jakin nahi baduzue.

Patricia Tornerok eta Isidro Tapizek gazta egiten dute Erratzun, baina ez edozein gazta. Merkatuan erraz aurkitzen ez diren produktuak eskaintzearen aldeko apustua egin dute: gazta urdina, pasta prentsatukoa eta pasta bigunekoa. Horretarako, familia-ustiategi txikietako esne ekologikoa erabiltzen dute, behi zainduak, animalien ongizatea kontuan hartzen dutenak. Hileko lehen larunbatero, EKOmerkatuan aurkituko dituzu Pittikako gaztak.

Lakabe leku mitikoa da, Artzibarko herri txiki bat, hirurogeiko hamarkadan hutsik geratu zena eta laurogeiko hamarkadan kontzientzia-eragozpeneko mugimenduko gazte-talde batek okupatu zuena. Naturari, haren erritmoei eta agroekologiari lotutako espazio komunitario alternatibo eta eraldatzailea eraikitzea zuten amets. Hileko lehen larunbat guztietan EKOmerkatuan aurkitzen dugu bere ogi eta beste produktuak. Iosu Ortigosa Lakabeko Okindegiko kidea elkarrizketatu dugu.

Aquí la Tierra telesaioak, Televisión Españolako 1. kateko programa nagusietakobat, Nafarroara bi bisita egin ditu azken hilabeteetan, gure erkidegoko zortzi ustiategi ekologikoren lana biltzeko. Faltzes, Caparroso, Arizkun, Gartzain, Narbarteko eta Aniz herriak izan dira helmuga. Hauekin, Nafarroako ekoizpen ekologikoari buruzko hogeita hemeretzi erreportaje egin dira TVE 1-eko programan, eta milioi eta erdi ikusle ditu.

Duela hamaika urte Luis Fernando Gil Pagola caddie zen golf zirkuitu profesionalean. Bidaiak, Marbellan bizitzea, hegazkinak… lurrera, bere herrira itzultzea pentsarazi zion ajea. Golfaren zale amorratua izaten jarraitzen du eta txapelketetan jokatzen du aukera duen bakoitzean, baina bere olibondoetaz eta olioaz benetan oso harro dago. Ekologikoan ekoizten duen olio bat, CPAEN/NNPEK bidez ziurtatua, Eulz herrian. Argi eta garbi dio: "Haizea bezain askea naiz eta munduko oliorik onena egiten dut"

Josean Iturralde abeltzaina da eta Ekollaondo markako arrautza, gazta eta ahuntz-jogurt ekologikoak ekoizten ditu. Jarduera hori Goldaratzen egiten du, Imotz ibarrean. Haren aburuz, elikagai ekologikoak kontsumitzea ez da osasun kontua soilik, munduarekin, iraunkortasunarekin, naturarekin konprometitzea eta kontsumitzaile arduratsu bihurtzea da. Gainera, hurrengo EKOtopaketan haren ahuntz gazta eta aurrautzak dastatuko dira, Iñaki Andradas eta Luken Vigo Baserriberriko sukaldariak prestatuko duten platerean . Hitzordua urriaren 1ean da, 20:30etan, Geltokin.  Informazio gehiagorako: www.ekomercado.org