Udarekin batera, sasoiko produktu preziatuenetako bat dator: tomatea. Hain zuzen ere, EKOmerkatu honetako protagonista izanen da tomatea, eta datorren larunbatean, irailak 2, VII. Tomate zahar, lokal eta ekologikoaren lehiaketa ospatuko da, 10:00etatik 14:00etara, Iruñeko Autobus Geltoki Zaharrean. Aukera ezin hobea tomateak maite dituzten guztientzat, tomate mota ugari dastatu eta ezagutu ahal izateko: Tomate Arrosa, Jack tomatea, Krimeako Beltza, etab. Gainera, 12:00etatik 14:00etara, doako tomate dastaketa egonen da Zatoz eta proba ezazu espazioan. 

Udako hilabeteetan ohikoa den bezala, bere denboraldia dela eta, larunbat honetan, ohiko postuez gain, Ajos Olite Tainta izanen dugu lagun, Faltzesko baratxuri ekologikoekin. Zatoz eta proba ezazu! dastatze gunean baratxuri eta olio tostadez gozatu ahal izango dugu Geltokiren eskutik.

Sanferminak iristear dira eta datorren larunbatean, uztailak 1, EKOmerkatuak jai giroa izango du. Sanfermin aurretik elikagai jasangarri eta osasungarriak erosteko postuez gain, ‘Zatoz eta dastatu’ gunean ardoa eta gazta izango dira, goiza girotzeko doako dastaketarekin.

Datorren larunbatean, ekainak 3, Betizuko haragiari eskainiko zaio jardunaldia. Hilero joaten da Domiña Goizuetako abeltzaintza ekologikoa EKOmerkatura, haragia eta txorizoarekin.  Zatoz eta dastatu dastaketa gunean probatzeko parada egongo da. Ostegun honetan, gainera, EKOtopaketa Europa Jatetxeko Pilar Idoaterekin izango da. 

Datorren larunbatean, maiatzaren 6an, gazta ekologikoei eskainiko zaie jardunaldia. Alde batetik, EKOmerkatuan eta Ven y prouébalo/Zatoz eta dastatu 'gunean egon ohi diren gaztak aurkeztuko dira. Ostegun honetan, gainera, EKOtopaketa Lorea Lozada del Monasterio Nafarroako elikagai ekologikoekin egindako pintxo ekologiko onenaren sariaren irabazlearekin izango da. Informazio guztia hemen: www.ekomercado.org.

Larunbat honetako EKOmerkatuak Nafarroako olio, ogi eta gatz ekologikoari eskainiko dio eguna, Tostada Ekologikoaren Egunarekin. Oso edizio berezia izanen da, hain zuzen ere, hiru urte beteko baitira EKOmerkatuaren lehenengo ediziotik. Goizean tostada ekologikoak dastatuko dira eta 11:30etan oliba-olio birjina estra ekologikoak aurkeztuko dira.

Larunbat honetan, otsailaren 4an, EKOmerkatuak neguko barazki ezagunei eskainiko die eguna berriro, azken asteetan izotza jasan duten aire zabaleko barazkiei, hala nola aza, brokolia, kardua eta aza lonbardiarra. Horretarako, Sila Panorekin Sasoiko barazkiak jateak sendatzen gaitu izeneko tailerra antolatu da. Postu gonbidatuak Horta de Ximo Valentziako zitrikoekin eta Aleka Euskal Herriko hazi ekologikoen elkartea izango dira.

Larunbat honetan, urtarrilaren 7an, EKOmerkatuak neguko barazki ezagunei eskainiko die eguna, udazken/negu garaian aire zabalean hazi diren berdurei, hala nola aza, brokolia, kardua eta aza gorria. Gainera, tailer bat antolatu da neguko barazkien propietateak ezagutzeko eta nola prestatzen ikasteko 12:00etan Nishime Institutu Makrobiotikoko Almudena Monterorekin. 

Larunbat honetako EKOmerkatuak edizio berezia hartuko du zazpi upategi ekologikorekin. Nafarroako ardo ekologikoak deskubritzeko eta erosteko aukera paregabea izanen da, eta ardo dastaketa ere antolatu da. Horrez gain, osteguneko EKOtopaketan Josean Iturralde Ekollaondo gazta ekoizleak ahuntz gazta nola egiten den erakutsiko digu. Ondoren, larunbatean EKOmerkatuan erosi ahal izango diren beste gaztak dastatuko ditugu. Informazio guztia hemen: www.ekomercado.org.

Urriko edizioa Erriberrin ospatu ondoren, EKOmerkatua Iruñeko erdigunera itzuliko da azaroaren 5ean, larunbata, sasoiko gonbidatutako postu batekin: Valentziako zitriko ekologikoak itzuliko dira. EKOmerkatuak 11 ekoizle ekologiko hartuko ditu 09:30etik 14:00etara, Nafarroako elikagai fresko eta sasoikoekin. Gainera, azaroaren 3an, osteguna, Larragako Casa Perico jatetxearekin EKOtopaketa egingo da, Nafarroako Kazolatxoaren eta Ardoaren XXI. Astean produktu ekologikoarekin egindako kazolatxorik onenaren irabazlea. Informazio guztia hemen: www.ekomercado.org.

EKOmerkatua Iruñeko Autobus Geltoki Zaharreko nasetara itzuliko da, sasoiko produktu batekin: Faltzesko baratxuri ekologikoak. Beti bezala, Nafarroako ekoizpen etxe ekologikoak 09: 30etik 14: 00etara egongo dira beren elikagai ekologiko eta zaporetsuekin.

Datorren larunbatean, ekainak 4, Iruñeko EKOmerkatua ospatuko da Iruñeko Autobus Geltoki Zaharreko nasetan, bertako eta sasoiko elikagaien 18 posturekin. Jarduera ugariko edizioa izanen da: baratze ekologikoko tailerra, EKOplana bizikletaz Biela eta Tierrarekin eta Arraizako gerezi ekologikoen postu gonbidatu bat. Hilero bezala, ostegunean EKOtopaketa ospatuko da, oraingo honetan, Akari gastrotekarekin. Informazio guztia www.ekomercado.org webgunean.

Larunbat  honetan, maiatzaren 7an, Iruñeko EKOmerkatua ospatuko da Iruñeko Autobus Geltoki Zaharreko nasetan, bertako eta sasoiko elikagai ekologikoen hamasei posturekin. Habia-kutxen tailerra egonen da familientzako, eta, hilero bezala, ostegunean EKOtopaketa egingo da Tres Reyes Hotelarekin. Informazio guztia www.ekomercado.org webgunean.

Munarrizetik, Goñi bailaran, Javier Anocibar EKOmerkatura joaten da txitxirioak, babarrun beltza eta patatak saltzera. Nekazari familiakoa da Anocibar, duela sei urte ekoizpenaz arduratzen da, eta martxotik EKOmerkatuan ikus dezakegu, bertako elikagai ekologikoekin. Pozik dago izan duen harrerarekin.

Larunbat honetan, martxoaren 5ean, Iruñeko EKOmerkatua ospatuko da Iruñeko autobus geltoki zaharreko nasetan, ia hogei ekoizle ekologikorekin. Oso edizio berezia izanen da, lehenengo EKOmerkatutik bi urte betetzen baitira. Orduz geroztik, hilabetez hilabete, 40 ekoizle ekologikok baino gehiagok produktu ekologiko eta lokal eskaintza zabala hurbildu dute Iruñeko erdigunera, ekoizleen eta kontsumitzaileen arteko topaleku bat ahalbidetuz, Nafarroako nekazaritza ekologikoaz hitz egiteko, ezagutzeko eta partekatzeko leku bat.

Maite Sanchezek 2000. urtean sortu zuen Domiña Abeltzaintza Ekologikoa Goizuetan. Anxo eta Indar seme-alabekin batera, betizu behiak hazten dituzte bertako mendietan. Europako azken behi basatia da betizua, galtzeko arriskuan dagoen eta erdi-askatasunean bizi den espeziea. Anxo hileko lehen larunbatean Iruñera doa EKOmerkatura, betizuekin egindako txorizoa saltzera.

Abenduko EKOmerkatua Iruñeko Autobus Geltoki Zaharreko nasetan egingo da berriro. Datorren larunbatean, abenduaren 4an, Nafarroako 13 ekoizle ekologikok hartuko dute parte hileko merkatuan. Oraingoan, gainera, bi tailer izango dira: talo ekologikoen tailerra eta sendabelarren tailerra. Gainera, EKOtopaketa abenduaren 2an, ostegunean, egingo da Eraulgo La Panpinela pizzeriako Mariela Goñirekin, Geltokin. Informazio guztia www.ekomercado.org helbidean.

Azaroko EKOmerkatua kalean egingo da. Datorren larunbatean, azaroak 6, Baluarteko plazak hileko merkatu ekologikoa hartuko du, oraingoan 15 ekoizle ekologikorekin. Barazki-kontserben tailer bat antolatu da Nishimeren eskutik. Gainera, azaroaren 4an, ostegunean, EKOtopaketa eginen da Tuterako Topero jatetxeko Jose Aguadorekin. Informazio guztia www.ekomercado.org helbidean.