Datorren larunbateko EKOmerkatuak, urriaren 5ean, ezti ekologikoari eskainiko dio eguna.  Hilabetero parte hartzen duten ezti ekoizleek, Erlan eta Erlandere, protagonista izango dira goizean zehar. Gainera, 'Zatoz eta dastatu' espazioan eztia dastatzeko aukera egongo da. 10:00etatik 14:00etara izango da, Iruñeko Antzinako Autobus Geltokiko nasetan. Urriaren 3an,  osteguna, Tina Asensio Baratza Kafeako bioenergetika sukaldariak tempeh eta wokeko barazkiekin tako mexikarra prestatuko du EKOtopaketan.

Udaren amaierarekin batera, sasoiko produktu preziatuenetako bat dator: tomatea. Garai horretako jaki nagusia, datorren larunbatean, irailaren 7an, Nafarroako hiriburuak EKOmerkatua eta IX. Tomate zahar, lokal eta ekologikoaren lehiaketa ospatuko ditu 10: 00etatik 14: 00etara Iruñeko Autobus Geltoki Zaharrean. Aukera ona da tomateak maite dituzten guztientzat, eta tomate ugari dastatu eta ezagutu ahal izango dituzte. Gainera, 12: 00etatik 14: 00etara, tomate dastaketa doan izango da 'Zatoz eta dastatu' gunean. 

EKOmerkatua datorren larunbatean, abuztuak 3, itzuliko da. Faltzesko baratxuriak izango dira protagonista jardunaldian, eta Lakabeko okindegiko ogi ekologikoarekin egindako txigorkietan dastatu ahal izango dira, ‘Zatoz eta dastatu’ izeneko gunean, 12: 00etatik 14: 00etara; gainera, Hazialdeko elikagai ekologikoen hileko merkatuan sartuko da eta lekaleak izango ditu salgai. 10: 00etatik 14: 00etara izango da, Iruñeko Autobus Geltoki Zaharreko nasetan.

Larunbat honetan, ekainak 1, EKOmerkatua ospatuko da Iruñeko Autobus Geltoki Zaharrean, CPAEN/NNPEKek antolatuta. Oraingoan marmelada izango da protagonista Lurmendiren eskutik egingo den ‘Zatoz eta dastatu’ espazioan. Gainera, sasoiko fruta eskuragai egonen da eta Etxauribarko Kiroga Anaiak Arraizako gerezi ekologikoak ekarriko dituzte. 

Datorren larunbatean, maiatzaren 4an, gazta ekologikoei eskainiko zaie jardunaldia. 'Zatoz eta dastatu' izeneko gunean, EKOmerkatuan egon ohi diren gaztak dastatu ahal izango dira. Ostegun honetan, gainera, EKOtopaketa Monasterio jatetxeko sukaldaria den Lorea Lozadarekin izango da.

Datorren larunbatean, apirilaren 6an, betizu haragiari eskainiko zaio jardunaldia. Domiña, betizu behien haragia eta txorizoa egiten duen Goizuetako abeltzaintza ekologikoa, hileroko azokara joan ohi da, eta 12:00etatik 14:00etara dastatu ahal izango da bere produktu goxoak ‘Zatoz eta dastatu’ gunean. Horrez gain, Ganaderas en Red elkartearen ‘Sabores y raíces’ liburua aurkeztuko da. Estatuko emakume abeltzain estentsiboen kolektiboa da, eta Maite Sánchez Domiñako abeltzainak parte hartzen du bertan. Ostegun honetan, gainera, betizu haragia dastatu ahal izango da EKOtopaketan, Geltokiko Ion Gulinaren eskutik. 

Nafarroako elikagai ekologikoen merkatua abenduaren 2an itzuliko da, eta Nafarroako ekoizpen ekologikoari eta, kasu honetan, ardo ekologikoari balioa emateko hainbat jarduera egingo dira. Alde batetik, ardo dastaketa antolatu da 12:00etan Migueltxo Goñi sommelierraren eskutik eta 12:00etatik 14:00etara ‘Zatoz eta dastatu’ izeneko gunean ardoa eta gazta dastatuko dira. Gainera, edizio honetan sasoiko postu gonbidatua izango da: Valentziako zitriko ekologikoak itzuliko dira.

Iruñeko Autobus Geltoki Zaharreko nasak erabiltzea ezinezkoa denez, ez da egingo datorren urriaren 7ko EKOmerkatua. Datorren EKOmerkatua azaroaren 4an izango da.

Udarekin batera, sasoiko produktu preziatuenetako bat dator: tomatea. Hain zuzen ere, EKOmerkatu honetako protagonista izanen da tomatea, eta datorren larunbatean, irailak 2, VII. Tomate zahar, lokal eta ekologikoaren lehiaketa ospatuko da, 10:00etatik 14:00etara, Iruñeko Autobus Geltoki Zaharrean. Aukera ezin hobea tomateak maite dituzten guztientzat, tomate mota ugari dastatu eta ezagutu ahal izateko: Tomate Arrosa, Jack tomatea, Krimeako Beltza, etab. Gainera, 12:00etatik 14:00etara, doako tomate dastaketa egonen da Zatoz eta proba ezazu espazioan. 

Udako hilabeteetan ohikoa den bezala, bere denboraldia dela eta, larunbat honetan, ohiko postuez gain, Ajos Olite Tainta izanen dugu lagun, Faltzesko baratxuri ekologikoekin. Zatoz eta proba ezazu! dastatze gunean baratxuri eta olio tostadez gozatu ahal izango dugu Geltokiren eskutik.

Sanferminak iristear dira eta datorren larunbatean, uztailak 1, EKOmerkatuak jai giroa izango du. Sanfermin aurretik elikagai jasangarri eta osasungarriak erosteko postuez gain, ‘Zatoz eta dastatu’ gunean ardoa eta gazta izango dira, goiza girotzeko doako dastaketarekin.

Datorren larunbatean, ekainak 3, Betizuko haragiari eskainiko zaio jardunaldia. Hilero joaten da Domiña Goizuetako abeltzaintza ekologikoa EKOmerkatura, haragia eta txorizoarekin.  Zatoz eta dastatu dastaketa gunean probatzeko parada egongo da. Ostegun honetan, gainera, EKOtopaketa Europa Jatetxeko Pilar Idoaterekin izango da. 

Datorren larunbatean, maiatzaren 6an, gazta ekologikoei eskainiko zaie jardunaldia. Alde batetik, EKOmerkatuan eta Ven y prouébalo/Zatoz eta dastatu 'gunean egon ohi diren gaztak aurkeztuko dira. Ostegun honetan, gainera, EKOtopaketa Lorea Lozada del Monasterio Nafarroako elikagai ekologikoekin egindako pintxo ekologiko onenaren sariaren irabazlearekin izango da. Informazio guztia hemen: www.ekomercado.org.

Larunbat honetako EKOmerkatuak Nafarroako olio, ogi eta gatz ekologikoari eskainiko dio eguna, Tostada Ekologikoaren Egunarekin. Oso edizio berezia izanen da, hain zuzen ere, hiru urte beteko baitira EKOmerkatuaren lehenengo ediziotik. Goizean tostada ekologikoak dastatuko dira eta 11:30etan oliba-olio birjina estra ekologikoak aurkeztuko dira.

Larunbat honetan, otsailaren 4an, EKOmerkatuak neguko barazki ezagunei eskainiko die eguna berriro, azken asteetan izotza jasan duten aire zabaleko barazkiei, hala nola aza, brokolia, kardua eta aza lonbardiarra. Horretarako, Sila Panorekin Sasoiko barazkiak jateak sendatzen gaitu izeneko tailerra antolatu da. Postu gonbidatuak Horta de Ximo Valentziako zitrikoekin eta Aleka Euskal Herriko hazi ekologikoen elkartea izango dira.

Larunbat honetan, urtarrilaren 7an, EKOmerkatuak neguko barazki ezagunei eskainiko die eguna, udazken/negu garaian aire zabalean hazi diren berdurei, hala nola aza, brokolia, kardua eta aza gorria. Gainera, tailer bat antolatu da neguko barazkien propietateak ezagutzeko eta nola prestatzen ikasteko 12:00etan Nishime Institutu Makrobiotikoko Almudena Monterorekin. 

Larunbat honetako EKOmerkatuak edizio berezia hartuko du zazpi upategi ekologikorekin. Nafarroako ardo ekologikoak deskubritzeko eta erosteko aukera paregabea izanen da, eta ardo dastaketa ere antolatu da. Horrez gain, osteguneko EKOtopaketan Josean Iturralde Ekollaondo gazta ekoizleak ahuntz gazta nola egiten den erakutsiko digu. Ondoren, larunbatean EKOmerkatuan erosi ahal izango diren beste gaztak dastatuko ditugu. Informazio guztia hemen: www.ekomercado.org.