Zainzuriaren denboraldia hasi berri da eta Nafarroako baratzeko jaki hau larunbat honetako EKOmerkatuan eros dezakezu. Zainzuria Nafarroako baratzeko produkturik bikainenetakoa da, gure osasunerako onura handiak dituztenak.
Zainzuri zuria lur azpian hazten da, eta, beraz, eguzki-argirik jasotzen ez duenez, ez du garatzen klorofila, landareen kolore berdeaz arduratzen den pigmentua. Oso moldakorra da sukaldean, zapore bizia eta testura berezia dituelako, zuntz asko ematen duelako eta ahalmen diuretiko handia duelako. Denboraldia hasi berri da, eta gutxi gorabehera ekainaren hasierara arte luzatuko da.
Larunbat honetako EKOmerkatuan, une egokian bildutako barazki ekologiko eta sasoiko hau aurkituko dugu El Puente Viejoko postuan, Asier Iribarren eta Silvia Morenoren eskutik. Zainzuriak eta beste barazki asko Caparroson landatzen dituzte, Aragoi ibaiaren ertzean.
Produktu izarrez gain, Nafarroako beste hainbat produktu ekologiko ere erosi ahal izango dira EKOmerkatuan: Imotz bailarako, Sakanako, Lizarraldeko eta Baztango gaztak, Lizarraldeko olioa eta garagardoak, Goizuetako hestebeteak, Izurzuko eztia, Beriaingo pasta, Artzibarko ibarreko ogia, Irunberriko ardoa, Imotz ibarreko arrautzak, Munarrizko patatak eta lekaleak eta Erriberako sasoiko barazkiak.
Dastatzeko gune berria
Elikagai bakoitzak ziklo bat eta denboraldi bat ditu klimatologiari eta landatzen den lurrei dagokienez. Sasoiko produktuak kontsumitzea heltze-punturik onenean jaso diren produktuak kontsumitzea da, bidezko prezioan, eta tokiko ekonomiari mesede egiten diona. Horren berri emateko eta sasoiko produktuak dastatzeko, EKOmerkatu honetatik abiatuta, Nafarroako produktu ekologikoak dastatzeko gune berri bat antolatu da: Zatoz eta dastatu, Geltokik dinamizatua. Oraingoan, Nafarroako orburuak eta zainzuri ekologikoak dastatu ahal izango dira, 12:00etatik 14:00etara doan.
EKOtopaketa toperoarekin
Ostegun honetan, martxoaren 30ean, gainera, EKOtopaketa egingo da, azoka aurreko ostegunean ospatzen den sukaldaritza magistraleko eskola eta ondorengo afari ekologikoa. Oraingo honetan, Tuterako Topero jatetxeko José Aguadok sasoiko zainzuri ekologikoen plater bat prestatuko du OOBEn, bere egosteko salda eta arrautzarekin tenperatura baxuan. EKOmerkatuko ekoizleek beren elikagaiak nola eta non ekoizten dituzten azalduko dute, eta sukaldatutako platera eta Geltokik egindako beste hiru (bi gazi eta gozo bat) dastatuko dira.
EKOtopaketaren informazio gehiago eta erreserbak:
APIRILAREN 1EKO EKOMERKATUKO EKOIZLEAK. 10:00-14:00
Elkea. Lekaleak, garagardoa, sagar-zukua. Bakedano eta Artaxoa.
Axuribeltz. Ardi-gazta. Iturgoien.
El Puente Viejo. Barazkiak. Caparroso.
Azpea upeltegia. Ardoa. Irunberri.
Gil Pagola. Olioa. Eulz.
Ekollaondo. Gazta eta arrautzak. Goldaratz.
Lakabeko okindegia. Ogia eta pastak. Lakabe
Pittika. Behi-gazta. Erratzu.
Javier Anocibar. Patatak eta txitxirioa. Munarriz.
Larrezabal Eco. Gazta. Altsasu.
Martinelli pasta. Pasta. Beriain.
Erlan. Eztia. Izurzu.
Domiña. Hestebeteak. Goizueta.
Erlandere. Eztia. Arbeiza.
