Bioterrak ingurumena errespetatzen duten produktu eta zerbitzuekin konprometituta ospatuko du bere 21. edizioa ekainaren 7, 8 eta 9an. Ibilbide oparoarekin eta jasangarritasuna erdigunean jarrita, askotariko produktu ekologikoak, bioeraikuntzaren eta energia berriztagarrien inguruko berrikuntzak eta ongizaterako produktu eta zerbitzuak izango ditu, baita hitzaldi-programa bakarra ere.
CPAEN/NNPEKek, urtero bezala, bertan parte hartuk odu ezinbesteko hitzordua delako sektore ekologikoarentzat Kasu honetan, CPAEN/NNPEKekin parte hartuko duten ekoizle eta elaboratzaileak honako hauek dira: Ecoatarrabia, Atarrabiako eko galletekin; Erlandere, Arbeizako eztiarekin; Biotrailla, Buñuelgo fruta- eta barazki-saskiekin; Kibbi Sat, Baztan-Bidasoako kiwiekin; Martinelli pasta, Beriaingo pastarekin; Gobeies, ahabi deshidratatuekin eta Iruñeko landare-kontserba eta perretxiko deshidratatuekin; Oteizako Fuente de Garos olioa; Izurzuko Erlan eztia; Corellako Tribal Trading ogia eta pastekin. Gainera, Andosillako Bagordi upategiak eta A Fortunatto Iruñeko kafearekin ere egongo dira Bioterran.
Eko-elikagaien dastaketak
Gainera, enpresa ekologikoetako batzuek azokaren programazioan parte hartuko dute dastaketekin. Horrela, ekainaren 7an, ostirala, Afortunato Cafésen kafeak dastatu ahal izango dira 11: 00etan; 16: 00etan, Tribal Tradingen dastaketaren txanda izango da. Larunbatean Erlanderek (16:00) eta Ecoatarrabiak (17:00) beren produktu ekologikoak erakutsiko dizkiete azokatik pasatzen diren kontsumitzaileei. Azkenik, ekainaren 9an, igandea, Afortunato Café (11:00), Tribal Trading (13:00) eta Ecoatarrabia (18:00) dastaketak errepikatu ahal izango dira.
Bioterra topagune eta tresna bat da, pertsonen, enpresa erakusketarien eta bisitarien arteko lankidetza errazten duena, produktu ekologikoetan interesa dutenak, energia-eraginkortasunaz, autokontsumoaz eta kontsumo arduratsuaz kezkatuta daudenak. Bi hamarkadatako esperientzia garapen iraunkorrarekiko konpromisoarekin, ideia berdeak hartuz eta bultzatuz eta gizartearen gero eta geruza zabalagoak kultura ekologikoan sar daitezen espazioak zabalduz.
CPAEN/NNPEKetik azokatik pasatzera animatzen zaituztegu, baita Nafarroako ekoizle ekologikoak bisitatzera eta dastatze eta aurkezpenetara joatera ere.
