Konta iezaguzu zure ibilbide ekologikoa. Nola hasi zinen, zer ekoizten duzu, non, nola?
2017an Casa Paulina marmeladak egiten hasi nintzen. Bizimodua aldatu nahi nuen eta frutak landu eta marmelada ekologiko eta artisauak egiteko apustua hartu nuen. Betidanik izan dut argi ekologikoan egingo nuela. Oraintxe bertan 15-16 barietate inguru ditut, gehienak laborantza propiokoak dira eta 4 hektareako fruta-arbolekin eta fruitu gorriekin lan egiten dut, tokiko barietate zaharrak ere erabiltzen saiatuz.
Zergatik zoaz EKOmerkatura?
Hasieratik egin dut EKOmerkatuaren alde, salmentarako irtenbide ona delakoan nago. Nire merkaturatze-kanalik garrantzitsuena zuzeneko salmenta da, %80 inguru azoketara eta merkatuetara bideratzen da, eta gainerakoa saltokietara, hala nola, dendetara. Merkatuek kontsumitzaileak ezagutzeko aukera emante didate, eta alderantziz.
Nola animatuko zenuke produktu ekologikoak kontsumitzera?
EKOmerkatura elikagai ekologikoak kontsumitzen dituen jende fidel asko etortzen da, eta hori oso ongi dago, baina beste publiko mota bat etorrarazi behar dugu, oraindik ekologikoak ez diren baina izan daitezkeen kontsumitzaile horiek. Horretarako, kalera joan behar dugu, kalitatezko produktua dela eta ingurumena zaintzen duela esateko. Gero eta jende gehiagok erosten du ekologikoan, gero eta sentsibilitate handiagoa dago; hori aprobetxa dezakegu gehiago ikus gaitzaten.