LGP 2020 proiektuak almendra ekologikoaren sektorea egituratu nahi du azala kentzearen jardueraren inguruan, ekoizpen horren errentagarritasuna handitu nahi du, merkatuetan lehiakortasuna hobetzeari esker, eta Nafarroan nekazaritza ekologikoa sustatu nahi du.
Proiektuak topagune bat sortuko du almendra ekologikoa ekoizten dutenentzat edo etorkizunean ekoitziko dutenentzat. Horri esker, ekoizpenari buruzko ezagutzak partekatu ahal izango dituzte, eta almendra merkaturatzeko bide laburretan prozesatzeko, eraldatzeko eta saltzeko ekintza bateratuak egin ahal izango dituzte.
Aurtengo maiatzean hasi eta 2022ko abenduan amaituko den proiektua gauzatzeko aldian, lau ekintza nagusi egingo dira:
• Sektorearen aurre-egituraketa: almendra ekologikoaren sektorea desegituratuta dago, lurraldean ekoizpena sakabanatuta dagoelako eta Nafarroan almendraren eraldaketa ahalbidetuko duen azpiegiturarik ez dagoelako. Proiektu honek sektore horren dinamizazioa lantzen du ibilbide osoan, laguntza integral baten bidez, elkarte horren oinarriak eta antolaketa finkatzeko.
• Uzta ondoko eraldaketa: proiektuak tamaina ertaineko azala kentzeko ekipo baten pilotajea jarriko du abian, almendra ekologikoko ekoizleek erabil dezaten.
• Almendraren ekoizpen ekologikoaren ezagutza sustatzea: hainbat arlotako prestakuntza-jardunaldiak egingo dira, almendra ekologikoaren ekoizpenari eta nekazaritza-sistema errentagarriago egiten duten praktika agroekologikoei buruzko ezagutza handiagoa eskuratzeko beharra dagoelako.
• Nekazaritza ekologikorako eraldaketa ahalbidetzea: almendrondoaren ekoizpenari buruzko azterlan ekonomikoak egin eta zabalduko dira bere balio-kate osoan, gaur egun ekoizpen konbentzionalean dagoen azalerako ekoizpen ekologiko bihurtzeko; almendrondo ekologikoaren ekoizpena sustatuko da, landa-populazioa finkatzeko eta lehorreko almendro abandonatuen nekazaritza-azalera murrizteko, eta sektorean trantsizio agroekologikoa sustatzeko.
Lehen fasean, telefono bidez jarri dira harremanetan almendra ekologikoko ekoizleekin, proiektuaren hasieraren berri emateko. Proiektua aurkezteko jardunaldi bat antolatu da, eta, bertan, sektorearen informazioa eta proposamenak jasoko dira. Jardunaldia 10:00etatik 12:00etara izango da, hiru herritan: Faltzes, Kultur Etxea, irailak 1, asteazkena; San Martin Unx, Udala, irailak 2, osteguna, eta Cascante, Avenida Kulturgunea, irailak 3, ostirala. Izena emateko Esther Sotil Arrietarekin (INTIA) harremanetan jarri 948 01 30 40 telefonoan.
Proiektu hori 2014-2020 aldirako Nafarroako Landa Garapenerako Programaren barruan dago, eta Europar Batasunak finantzatzen du LGENF funtsen bidez ( % 65) eta Nafarroako Gobernuak ( % 35). INTIAk parte hartzen duen ikerketa-proiektuak Landa Garapen eta Ingurumen Sailaren eta sozietate publiko horren arteko hitzarmenaren esparruan garatzen dira, nekazaritza-eremuan I+G+b sustatzeko.
Almendra ekologikoaren ekoizpena Nafarroan
Nafarroan, almendrondo ekologikoaren azalera etengabe handitzen ari da azken urteotan. Gaur egun, almendra ekologikoaren prezioa ohiko almendrarena halako bi da, eta, ondorioz, gero eta interes handiagoa dago ekologiko bihurtzeko. Sektore horretan, uzta ondoko lanak banaka egiten dira; beraz, ekoizleak ez daude elkarrekin konektatuta eta ez dute laborantzari buruzko ezagutzak partekatzeko moduko harremanik.
Gainera, Nafarroan ez dagoenez almendraren azala kentzeko makinarik, ekoizleek bitarteko erakunderen bati (artekaria) edo azala kentzeko empresa bati (normalean Espainiako ipar-mendebaldean) saldu behar diote uzta, eta horrek eragotzi egiten die produktua zuzenean saltzea.
