EKOmerkatua larunbat honetan 15 ekoizlerekin eta herbario grafikoko tailer batekin

Urriaren 2an, larunbatarekin, berriz egingo da EKOmerkatua Iruñeko Autobus Geltoki Zaharreko nasetan. Nafarroako 15 ekoizle egongo dira produktu ekologikoekin; gainera, Iruñeko kontsumo talde batzuk ezagutzeko aukera izango da, postu gonbidatu gisa joango baitira. Sentsibilizazio-jarduera gisa, herbario grafikoko tailer bat antolatu da Iñaki Rifaterra irakaslearen eskutik. Azkenik, bihar, osteguna, Tafallako Tubal jatetxeko Nicolas Ramirezekin EKOtopaketa egingo da. Informazio guztia www.ekomercado.org helbidean.

EKOmerkatua elikagai ekologiko ugarirekin itzuliko da larunbat honetan, urriaren 2an. 09:30etik 14:00etara, Nafarroako 15 ekoizle ekologikok lurraldean ekoitzitako eta landutako produktu ekologikoak salduko dituzte. Gaztak, olioa, arrautzak, esnekiak, hestebeteak, eztia, ogia, fruta, marmeladak eta sasoiko barazkiak izango dira eskuragarri, besteak beste. Horrez gain, Erlea, Jateko eta Arrosadiako kontsumo taldeen informazio postu bat ere izango da, postu gonbidatu bezala.

EKOmerkatuak kontsumitzaileei aukera ematen die Nafarroako Nekazaritza Ekoizpen Ekologikoaren Kontseiluak (CPAEN) babestutako produktu ekologikoa zuzenean erosteko. Ikasturtearekin batera, sentsibilizazio-tailerrak ere itzuli dira. Kasu honetan herbario grafiko tailerra eginen da, txikiak ez ezik, helduentzat ere izanen da, Iñaki Rifaterra irakaslearen eskutik. 12:00etatik 13:30era izanen da, ekoizleek beraiek eramango dituzten sasoiko barazki-hostoak estanpatuz.

Horrela, sasoi bakoitzeko barietateei balioa ematen zaie, hosto bakoitzaren aztarna grafikoa estanpatuz. Horretarako, prentsa bat ez ezik, tinta bereziak eta gramaje berezia duen papera erabiltzen da, jendeak gero etxera eraman dezake.

Jarduera hau iaz egin zen ere eta harrera oso ona izan zuen, jende guztiarentzako tailer dinamikoa zelako, besteak beste.

EKOtopaketa irailak 30

Irailaren 30ean, ostegunean, Tubal jatetxeko (CPAEN/NNPEKeko Jatetxe Iraunkorren Sareko) Nicolas Ramirezekin ekotopaketa egingo da Geltokian. Tafallako sukaldariak arrautza bat prestatuko du, zarakarrean, patata frijituekin, piperrekin eta baratxuri txigorkiarekin. Plater hau prestatzen ikasteaz gain, Geltoki jatetxeak prestatutako sukaldaritza klasean prestatutako errazioa eta elikagai ekologikoekin egindako beste hiru (bi gatz eta gozo bat) dastatuko dira.

EKOtopaketaren prezioa 20 eurokoa da, eta klasea, lau errazioak eta ardoa hartzen ditu barne. Ostegun honetarako edukiera Beteta dago.

Urriaren 2ko EKOMERKATUKO ekoizleak

Elkea. Olioa, lekalea, garagardoa. Baquedano eta Artaxoa.

Axuribeltz. Ardi gazta. Iturgoien.

El Puente Viejo. Barazkiak. Caparroso.

Gil Pagola. Oliba-olio birjina estra. Eulz.

Larrezabal ECO. Ardi-gazta. Altsasu.

Ekollaondo. Arrautzak, gazta eta esnekiak. Goldaratz.

Domiña. Betizu hestebeteak. Goizueta.

Erlandere. Arbeiza.

Lakabeko okindegia. Ogia eta pastak. Lakabe.

Erlan. Eztia. Izurzu

Koldo Resano. Sagarrak. Faltzes.

Casa Paulina. Marmeladak. Artaza.

Ecológicos Aranda. Olioa eta almendrukoak. Faltzes.

Pittika. Behi-gazta. Erratzu.

Azpea upeltegiak. Ardoa. Irunberri.

Postu gonbidatua

Larunbat honetan Erlea, Jateko eta Arrosadiako kontsumo taldeen informazio postu bat etorriko da.