Datorren ekainaren 5a Ingurumenaren Mundu Eguna da eta CPAEN/NNPEKek EKOmerkatuarekin eta bizikletaz ibilaldi batekin ospatuko du, Iruñerriko ekimen ekologikoak ezagutzeko, Biela eta Tierrarekin. EKOmerkatua, beti bezala, 09:30etik 14:00etara izango da Iruñeko Autobus Estazio Zaharreko nasetan, oraingoan 14 ekoizlerekin, elikagai ekologikoak, freskoak eta sasoikoak erabiliz. Adin guztientzako habia-kutxen tailerra ere antolatu da.
EKOmerkatua, bizikleta ibilaldia Iruñerrian eta habia kaxen tailerra. CPAEN/NNPEKek ekainaren 5ean Ingurumenaren Nazioarteko Egunerako antolatu dituen jarduerak dira, herritarrak ingurumenaren eta Nafarroako elikagai ekologikoen kontsumoari buruz kontzientziatzeko eta sentsibilizatzeko helburuarekin.
Alde batetik, larunbatean 10:00etan bizikleta ibilaldia hasiko da Iruñerriko ekimen ekologikoak bisitatuz, Biela eta Tierra elkartearekin eta Bizikume kolektiboaren laguntzarekin. Martxa 10:00etan abiatuko da Gaztelu Plazatik eta 13:00etan amaituko da EKOmerkatuan. Jarduera doakoa da eta aldez aurretik izena eman behar da esteka honen bidez: https://forms.gle/TSHUuXQXyTMhsLCk6
Bizikletaz egindako EKOplan honen bidez, Iruñerrian dauden ekimen ekologikoak ezagutu eta ikusarazi nahi dira, sustatzaileek bertatik bertara ezagutu, eta larunbat goiz batean bizikletaz ibilaldi atsegin batez gozatu. Biela y Tierra elkarteak dinamizatuko du ibilbidea. Elkarteak agroekologiaren, mugikortasun iraunkorraren, ekofeminismoen eta elikadura-subiranotasunaren alde lan egiten du zeharkako bi ardatzekin: landa-mundu bizia eta kontsumo kontzientea eta eraldatzailea.
Hiru ordu inguru iraungo du ibilaldiak eta zazpi ekimen ekologiko bisitatuko dira Iruñean eta Burlatan: Setem, Piparrika, Landare, Elkarkide, OndalanKoop, Fortunato Café, Geltoki eta EKOmercado.
Bizikleta ibilaldia 13:00ak aldera amaituko da EKOmerkatuan. Hilabete bakoitzeko lehen larunbatean egiten da EKOmerkatua, eta oraingoan 14 ekoizlek salduko dituzte beren produktu ekologikoak, tokikoak eta sasoikoak.
Gainera, 11:30ean habia-kaxen tailerra antolatu da adin guztietarako. Tailerrean habia-kutxak eta habia egin dezaketen hegazti-motak azalduko dira, eta bi habia-kaxa eraikiko dira. Izena emateko cpaen@cpaen.org helbidera mezu bat bidali behar da.
Biela eta Tierrarekin bizikletan ibiltzeko EKOPLANA, ekainak 5
Irteera: 10 am Gaztelu plazatik
Izena emateko, sartu hemen: https://forms.gle/TSHUuXQXyTMhsLCk6
Kontsultatu ibilbidea hemen: https://n9.cl/wupmd
EKOMERKATUA, ekainak 5
Ordutegia: 09:30etik 14:00etara.
Habia kutxen tailerra: 11:30-13:00. Aldez aurretik izena eman behar da cpaen@cpaen.org helbidean.
EKOIZLEAK
Elkea. Oliba-olio birjina estra, lekaleak eta garagardoa (Bakedanoa eta Artaxoa)
El Puente Viejo. Barazkiak (Caparroso)
Gil Pagola. Oliba-olio birjina estra (Eulz)
Larrezabal ECO. Ardi-gazta (Altsasu)
Ekollaondo. Gaztak, ahuntz-jogurta eta arrautzak (goldaraz)
La Corraliza de Don Pablo. Olioa (Peralta)
Erlan. eztia (Izurzu)
Pittika. Gaztak (Erratzu)
Axuribeltz. Ardi-gazta (Iturgoien)
Azpea upeltegiak. Ardoa (Irunberri)
Koldo Resano. Sagarrak (Faltzes)
Betizu. Behi-hestebeteak. (Goizueta)
Beraska. Eztia. (Bera)
Ferment art. Hartzituak. (Arizkun)
Av. Serapio Huici, 22 - 1ª Planta. Edificio de Peritos 31610 Villava (Navarra) | Tel-Fax: 948 17 83 32-948 25 66 42 | cpaen@cpaen.org
