Espainian ekoizpen ekologikora bideratutako azalera %3,5 handitu zen 2020an, aurreko urtearekin alderatuta, 2.437.891 hektareara iritsi arte. Datu horiek berresten dute azken bosturtekoan azalera ekologikoaren batez besteko urteko hazkunde-joera % 4,8koa izan dela, eta ekologikora bideratutako nekazaritza-azalera erabilgarria (NAE) % 10ekoa dela.
Izan ere, Espainia, Europako lehen herrialdea da azalerari eta ekoizpen ekologikoari dagokienez, eta munduko hirugarrena – Australia eta Argentinaren atzetik –, prest dago 2030ean nekazaritza-lurren % 25 ekoizpen ekologikora bideratzeko helburua betetzeko, ministroaren arabera.
Eko-azaleraren zatirik handiena larre iraunkorretakoa izan zen, 1,27 milioi hektarea baino gehiagokoa, ondoren labore iraunkorrak (662.423 hektarea) eta labore goldagarriak (502.075 hektarea). Gainera, operadoreen kopuruak gora egin duela antzeman da (+% 6,3, 50.047raino), bereziki elikadura-katearen ondorengo faseetan, eskariak gora egin duelako. Guztira 50.047 dira.
Kopuruak gora egin du ia kategoria guztietan: nekazaritza-ekoizleak (+% 6, 44.493), industria-establezimenduak (+% 8) eta merkaturatzaileak (+% 8). Azken 5 urteetan, urteko batez besteko hazkundearen joera %6koa izan da nekazarien artean, %11koa industrietan eta %20koa produktu ekologikoen merkaturatzaileetan. Erregistratutako 10.395 industria-establezimenduei dagokienez, % 8 hazi dira, eta dagoeneko 8.944ra iritsi dira landare-ekoizpenarekin lotutakoak, ugarienak frutak eta barazkiak manipulatu eta kontserbatzekoak eta edariak prestatzekoak, eta 1.451era animalia-ekoizpenarekin lotutakoak, haragi- eta esne-industria nabarmenduta.
Labore iraunkorren azalera handiena olibadiak du (222.722 ha), ondoren fruitu lehorrak (196.940 ha) eta mahastiak (131.182 ha).
Nafarroa ekologikoa
CPAEN/NNPEKek 25 urte bete ditu, eta etengabe hazten ari da 2015etik, operadoreak eta hektareak ugaritu egin baitira. Une honetan, 2021eko maiatzeko datuekin, 724 operadore ditu, eta 60.471 hektarea ziurtatuta; horrek esan nahi du % 5,58 hazi dela operadoreen kopurua, eta % 6,77 nekazaritza-azalera Nafarroan; Europako Batzordearen "estrategia de la granja a la mesa" delakoak markatutako zifratik oso urrun dago oraindik, Europako azalera ekologikoak % 25era iritsi behar duela 2030ean. Bestalde, irailaren 24, 25 eta 26an Noaingo Sentituen Parkean egingo den CPAEN/NNPEKen 25. urteurreneko programazioa amaitzen ari da.
