Helburua da eragile ekologiko onenak eta berritzaileenak saritzea, nekazaritzak ingurumenean eta kliman duen eragina murrizten laguntzeko, eta Biodibertsitateari buruzko EBren Estrategiaren eta «Baserritik Mahaira» estrategiaren helburuak lortzeko.
CPAEN/NNPEKetik Nafarroako nekazari eta abeltzainak, enpresa ekologikoak eta elikagai ekologikoekin lan egiten duten ostalaritza eta merkataritza ekologikoa animatu nahi ditugu hautagaitza aurkez dezaten. Sariek izaera ekonomikorik ez duten arren, Europan saritutako proiektu bakoitzarentzat ikusgarritasun publikoa dakarte, eta iritzi publikoa kontzientziatu eta sentsibilizatu egiten dute ekoizpen ekologikoaz eta bikaintasuneko proiektu berritzaile eta jasangarriak .
EBko sari ekologikoek zazpi kategoria eta zortzi sari biltzen dituzte:
1. kategoria: nekazari ekologiko onena (gizona) eta nekazari ekologiko onena (emakumea)
2. kategoria: eskualde ekologiko onena
3. kategoria: hiri ekologiko onena
4. kategoria: biobarruti ekologiko onena
5. kategoria: ETE ekologikorik onena
6. kategoria: elikagai ekologikoen txikizkari onena
7. kategoria: jatetxe ekologiko onena
Sarietan izena emateko esteka honetatik egin daiteke:
Hautagaitza aurkezteko 2022ko martxoaren 25etik 2022ko ekainaren 8rako epea dago.
2022ko irailaren 23an, Nekazaritza Ekologikoaren Europako Egunean, sariak banatzeko ekitaldia egingo da. Egoerak aukera ematen badu, sariak aurrez aurre banatzeko ekitaldia egingo da, eta irabazleak Bruselan ekitaldi batera gonbidatuko dira, sariak jasotzeko.