Nafarroako XI. Azoka Ekologikoak milaka pertsona biltzen ditu aurten ere Noaingo Zentzumenen Parkean

Azokara hasiera emateko ohikoa den bezala, Nafarroako talde parlamentarioetako ordezkariak, Noaingo Udaleko kideak eta, kasu honetan, Idazkari Nagusia eta Landa Garapen eta Ingurumen Departamentuko kontseilari José María Ayerdi etorri ziren Nafarroako Azoka Ekologikora. Ekoplaza bisitatu zuten eta bertan ekoizleen produktuak ezagutu eta dastatzeko aukera izan zuten. Bisitaren hasieran, Mari José Arrondok, CPAEN/NNPEKeko lehendakariak, erakundearen 30 urteei balioa eman zion eta parkean transmititu nahi izan zuen urtean zehar egindako ekintzak.

Aurten, azokaren berezitasunen artean EKOplan Sentsoriala zegoen, txikienentzat pentsatutako ibilbidea, non parkea zentzumenen bidez ezagutu ahal izan zuten. Proposamenak arrakasta handia izan zuen eta publikoak gehien gozatu zuen jardueretako bat izan zen, 500 pasaporte sentsorial baino gehiago banatu baitziren.

Nafarroako azoka ekologikoak CPAEN/NNPEKek urtean zehar egindako ekintzak islatu nahi izan ditu, gune bereziak sortuz, hala nola "Ekoencuentros" izeneko dastatze edo showcooking gunea, "Ekoaula" izeneko haurrentzako gunea, edo Geltoki erakundeak zuzendutako Ekotaska gune gastronomikoa, non musika talde ezberdinez gozatzeko aukera ere izan zen. Ekoplaza, zuzeneko salmentaren merkatua, azokaren gune nagusietako bat izan zen, frutak, barazkiak, olioak, eztiak, ogiak, gaztak, kontserbak, kosmetika naturala eta Eurohostoarekin ziurtatutako beste elikagai batzuk eskainiz.

Hamaikagarren edizio honekin, CPAEN/NNPEKek Nafarroako Azoka Ekologikoaren papera berresten du, erkidegoko sektore ekologikoaren kalitatezko tokiko produktu jasangarriaren erakusleiho gisa, bai eta osasunaren edo biodibertsitatearen aldeko apustua egiten duen ekoizpen-eredu baten ospakizun eta sentsibilizazio puntu gisa ere, besteak beste.