Rex, Jatetxea. Ohiko otorduak, Eko produktuekin.

Rex Jatetxeak aurten irabazi du Nafarroako Pintxoaren Asteko "Nafarroako produktu ekologikoarekin egindako Pintxorik Onena" saria, "eskabetxeen mila-orria" platerrarekin. Pintxo freskoa da, hainbat osagaiekin, zeinean barazki ekologikoak eta eskabetxedun antxoa nagusi diren. Zabalguneko taberna eta jatetxe mitikoa da, orain bost urtetik hona Eneko Ibañez nagusi duena. Ibañezek CPAEN/NNPEKekin harremana du, urteetan zehar sukaldaritza ikastaroak eta ogi prestaketa irakatsi bait du. 

Rex jatetxea, bazkaldu, afaldu, zizka mizka batzuk hartu edota pintxo paregabeak dastatzeko plaza da, Nafarroako Produktu ekologikoaz egindako pintxo irabazlearen antzekoak. Eskabetxedun hamaika produktuk osatzen dute "eskabetxeen mila-orria". Oinarrian sagarra, mangoa, piper gorria eta tomatea menda ozpinean. Guztiak ekologikoak mangoa izan ezik. Bigarren pisuan, kuilatxoa, jengibrea eta baratxuria, eta goian enpeltre olioa, oliba berdeak, piper horia, piper gorria eta perretxiko ekologikoak. Gainean eurek marinatutako antxoa, pesto gorriarekin. Eneko Ibañezen hitzetan, pintxoaren egilearen hitzetan, pintxo freskoa da, ohiko sukaldaritzan oinarritutakoa. "Gure sukaldaritza estiloa betikoa da teknika berriekin uztartuta, baina ohiko eran oinarritua, hori da gure apostua. Garrantzia ematen diogu kalitatezko produktuari, kasu honetan Nafarroako barazki eta fruitu ekologikoei". 

Aurretik esan bezala, Ibañez CPAEN/NNPEKekin harremana izandakoa da, kontseiluarekin hainbatetan parte hartu izan baitu sukaldaritza eta ogi prestaketa irakasle gisa. Zugarrondon sukaldari izan zen, egungo tabernatik gertu dagoen gourmet denda. "Orain urte batzuk aste ekologikoko sukaldari izan nintzen eta ikastaroak eman ditut Mutiloa, Mendilorri eta Juslarotxan besteak beste. Beti mantendu izan dut harreman ona ekoizpen ekologikoarekin". 

Ekologikoarekiko lotura ez da soilik kartan islatzen -pintxo irabazlea laster menuko parte izango da- antzeman daiteke ere ardo ekologikoaren eskaintzan eta laburra bada ere ikaragarria den garagardo menuan. "Pintxoa oraindik eskaintzen dut harrera ona izan duelako, eta gendeak, irabazle izan ginenetik, eskatzen duelako. Geroz eta gehiago erabiltzen dut produktu ekologikoa, eta sariaren ostean ahare gehiago". 

Ohiko platerrak egungo teknikeki

Rex-en oinarri gastronomikoa ohikotasun eguneratua da. Eskaintzan bezeroek erretako platerrak aukeratzen dituzte -Zugarrondon ere Ibañezen eskaintza horregatik zen ezaguna- baita erregosiak ere. Erretako platerrak tenperatura baxuan egiten dira, egungo teknika baten bitartez ahalik eta mamitsuen izan daitezen, eta bukaeran labe kolpe batez kraskati gelditzen dira. Txerrikumea, "untamorros" eta untxia dira eskatuenak; haiekin batera menudikoak, txerri eskuak eta kailoak. Orburuak ere aurki daitezke, ganba eta urdailazpiko iberikoaz; entsalada fresko mazeratuak, gazta eta mentakin eta marrubi ozpinakin; sasoiko barazkiak (orain zaizuriak plantxan); sepia kabia ganba, kalamar eta marisko saltsan... 

Rexen pintxoak eta barrako razioak, eguneroko menua eta asteburuko menua dira hautagai nagusiak. Kartak osatzen du eskaintza bataz besteko hogeita bost eta hogeita hamar euroko prezioan, geroz eta jaki ekologiko gehiagorekin, bermatuz Rex Jatetxea CPAEN/NNPEKek sortutako Jatetxe Jasangarrien Sarean sartzea.