"Zure EKOmpromisoak saria du" kanpaina, CPAEN/NNPEKek sustatua, amaitu da hiru hilabeteren ondoren, eta elikagai ekologikoen 20 sorta banatu ditu, 150 euroko sorteetan baloratuak.
Parte hartzeko aukera egon diren hilabeteetan, kanpainak 100 parte-hartzaile baino gehiago izan ditu hilero, eta produktu ekologiko ziurtatuen kontsumoa ikusarazten eta sustatzen lagundu dute, Europar Batasuneko produktu ekologikoen zigilu ofiziala den Euroorriarekin identifikatuta.
Era berean, parte-hartzaile gehienek saltoki txikietan erosi dituzte produktuak, sasoiko eta bertako elikagaiak erostearen alde eginez, kontsumo-ohitura iraunkorragoak bultzatuz eta tokiko ekonomia babestuz.
Ekimenaren helburu nagusia izan da herritarrak kontzientziatzea ekoizpen ekologikoko, bertako eta ingurumena errespetatzen duten elikagaiak aukeratzearen garrantziaz, eta produktu mota horiek kontsumitzaile gehiagori hurbiltzea.
Kanpainan zehar produktu ekologikoen hainbat sorta zozketatu dira Ekoalderen eskutik, 150 euroko balioarekin. Olioa, marmeladak, gazta, kafea, ardoa, galletak... beste gauza askoren artean, baita nekazaritza eta abeltzaintza ekologikoari buruzko informazioa biltzen zuten liburuxkak ere.
CPAEN/NNPEKetik eskerrak eman nahi dizkiegu zozketetan parte hartu duten parte-hartzaileei, baita zozketen irabazleak zoriondu ere.
Av. Serapio Huici, 22 - 1ª Planta. Edificio de Peritos 31610 Villava (Navarra) | Tel-Fax: 948 17 83 32-948 25 66 42 | cpaen@cpaen.org
