Errezetaren prestakuntza
Lehenbizi, beldotsa labeko burdinean jarriko dugu gatza eta piper beltzarekin. (60-75 minutuz 180º).
Beheko erretiluan ur pixka bat jarriko dugu hezetasuna mantentzeko. 15 minuturo, ardo txuri, limoi zuku, soja saltsa, ura, tomillo, oreganoz egindako saltsarekin bustiko dugu.
Bitartean, orburuak eta patatak zuritu eta zatitxotan puskatu ondoren, gatza eta piper beltza botata ur askorekin eltze batean irakiten jarriko ditugu.
Ordu erdiz irakin ondoren, ura kendu eta gurinarekin irabiatuko dugu.
Beldotsa egina dagoenean, erretiluan gelditu den saltsari gantz gehigarria kendu eta zartagin batera pasa eta murrizten jarriko dugu. Bitartean, haragia hezurretik bereizi saltsarekin nahasiko dugu zaporeak ongi nahasi daitezen.
Wonton pasta 2 minutuz egosiko dugu ur irakinean eta beldots haragia baita wonton pasta epelduak daudenean, kaneloiak beteko ditugu haragiarekin.
Muntaketarekin hasi aurretik, azken hiru orburuak zuritu eta xerra finetan moztu. Olio ugariko eltze bat ongi berotu eta bertan orburu xerrak frijitu.
Aurkezpena
Plateratzeko, oinarrian orburu eta patata krematsua jarri, gainean beldots kaneloia, gainetik krema eta saltsaz busti daiteke eta azkenik orburu kurruskariak gehitu eta apaindu.
