Abenduko EKOmerkatuak IV. CPAEN/NNPEK sariak hartuko ditu

EKOmerkatua abenduaren 5ean ospatuko da Iruñeko autobus-geltoki zaharreko nasetan, 09: 30etik 14: 00etara, eta IV. CPAEN/NNPEK sariak hartuko ditu. Eguerdiko hamabietan, Edorta Lezaun CPAEN/NNPEKeko lehendakariak Erakunde Kolaboratzailearen eta Nekazaritza Ekologikoari eskainitako Bizitzaren sariak emango ditu. Bi sari horiek, batetik, Nafarroako ekoizpen ekologikoari lagundu dioten erakundeak eta, bestetik, nekazaritza ekologikoan ibilbide luzea egin duten operadore gisa nabarmendu diren pertsonak saritu nahi dituzte.

Oraingo honetan, Lizarran hilero egiten den Plazara! Produktu-merkatuak jasoko du Erakunde Laguntzailearen saria. Produktu horiek nekazaritza eta abeltzaintza familiar eta jasangarritik datoz, eta ekoizpen ekologikoa lehenesten du. Plazara! Lizarrako Udalak eta Lizarraldeako Ekoizleen Elkarteak antolatzen dute, eta 2018an sortu zen. Gainera, EKOmerkatura joaten diren ekoizleetako batzuk Plazara! ekimenekoak dira.

Nekazaritza Ekologikoari eskainitako Bizitza saria  Arantzazu Aldanondo Otamendik jasoko du, La Corraliza de Valdecruz-eko nekazaria. Tuterako laborantza estentsiboko zerealen ustiategia da La Corraliza de Valdecruz, eta 20 urte daramatza ekologikoan ekoizten.
 

Elikagai ekologikoak, jarduerak eta gonbidatutako postuak

Abenduko EKOmerkatuak Nafarroa osoko hemezortzi ekoizleren elikagai ekologikoak jarriko ditu jendearen eskura. Oraingo honetan, Erriberako sasoiko barazki freskoak, Vianako txerri-hestebeteak, Bera eta Izurzuko eztia, Nafarroako mendietako behi, ahuntz eta ardi gaztak, Azkoiengo larreko arkumea, Ameskoako marmeladak, Goldaratzeko jogurtak eta arrautzak, Faltzesko sagarrak, Erriberako eta Lizarraldeako olioak, Artzibarreko ogia eta pastak, Lizarraldeako garagardoa Metautengo trufa beltza eta Irunberriko ardoak aurkituko ditugu besteak beste. Aukera bikaina da elikagai ekologikoak erosteko, baina baita ekoizleekin hitz egiteko eta hurbilen dauden operadore ekologikoek, landa-ingurunea eta jasangarritasuna bultzatzen duten pertsonek, zer eta nola ekoizten duten bertatik bertara ezagutzeko ere.

Gainera, edizio honek bi tailer interesgarrirekin berreskuratzen ditu jarduerak. Lehenengoa Gazta Tailerra izango da eta Miriam Otxotorena ekoizleak, Axuribeltzeko gaztagileak, gaztaren prozesua azalduko du eta gazta freskoa, gaztanbera eta ardi-esne mamia egiten irakatsiko du. Euskaraz izango da eta 10: 30ean hasiko da. Bigarren tailerra eguerdiko 12: 30ean hasiko da eta Tania Gómez Rodrigo Arrea elkarteko kideak zuzenduko du. Gaztelaniaz izango da eta Landare Sendagarriei buruz arituko da. Taniak sendabelar bat zer den azalduko du, estraktuak lortzen irakatsiko du eta pertsonentzako landare sendagarriak baratzerako ere izan daitezkeela erakutsiko du.

Edizio honetan, halaber, bi postu nabarmenduko dira: Piparrika hiri-baratzea eta Artilezko Hodeiak. Iruñeko Alde Zaharreko baratzeak bere esperientzia erakutsiko du, baita proiektu honetan parte hartzen duten 100 pertsona inguruk egiten dituzten jarduerak ere. Ekimena baratze ekologikoa da, baina autogestioa, integrazioa, ekofeminismoa eta elkargunea ere bada. Artilezko Hodeiak-en artilea nola erabiltzen den ikasi ahal izango dugu. Material hau gaur egun hondakintzat jotzen da, eta ekimen honek balioa ematen dio Zorokiainetik. Postuan, Nafarroako ardi feltroarekin egindako mota guztietako dekorazioak eta ehunak erakutsiko dira, hasi zapatiletatik eta mantetara, dena %100 artisaua.

 

EKOmerkatuko PROGRAMA

Iruñeko  Autobus Geltoki Zaharra

Abenduaren 5a, larunbata

Ordutegia: 9:30etik 14:00etara.

•10:30 Gazta tailerra euskaraz. Miriam Otxotorena, Axuribeltz

•12:00 CPAEN/NNPEK sariak

•12:30 Sendatzeko Landareen tailerra. Tania Gómez Rodrigo. ARREA elkartea.

 

EKOmerkatuko EKOIZLEAK, abenduaren 5a.

 

• La Corraliza de Don Pablo. Olioa (Azkoien)

• EL Bordón. Hestebeteak (Viana)

• Axuribeltz. Ardi-gazta (Iturgoien)

• Jose Luis Olloqui. Larreko arkumea (Azkoien)

• Larrezabal. Ardi-gazta (Altsasu)

• Casa Paulina. Marmeladak (Artaza)

• Pittika. Gaztak (Erratzu)

• Ekollaondo. Gaztak, ahuntz-jogurta eta arrautzak (Goldaraz)

• Aranda. Oliba-olio birjina estra (Faltzes)

• Gil Pagola. Oliba-olio birjina estra (Eulz)

• El Puente Viejo. Barazkiak (Caparroso)

• Elkea. Oliba-olio birjina estra, lekaleak eta garagardoa (Baquedano eta Artaxoa)

• Lakabeko Okindegia. Ogia eta pastak (Lakabe)

• Koldo Resano. Sagarrak (Faltzes)

• Azpea upeltegiak. Ardoa (Irunberri)

• Beraska. Eztia (Bera)

• Boilurraren etxea. Túber Melanosporum trufa beltza (Metauten).

• Erlan. Eztia (Izurzu)

POSTU GONBIDATUAK:

• Piparrika. Iruñeko Alde Zaharreko hiri baratzea.

• Artilezko Hodeiak. Artisau-lanak Nafarroako artilezko feltroarekin.

 

Informazio gehiago behar izanez gero, jar zaitez harremanetan CPAEN-NNPEKekin, prentsa@cpaen.org helbidean eta 645 45 31 36 telefonoan.