Datozen hiru astearteetan (maiatzak 7, 14 eta 21) Burlatako Ostalaritza LHIIko jantokian Nafarroako elikagai ekologikoekin egindako dastaketa menuak eskainiko dira. Burlata LHIIren eta CPAEN/NNPEKen arteko lankidetza CPAEN/NNPEKek eta Nafarroako Gobernuko Landa Garapeneko Departamentuak errestaurazio kolektiboan tokiko produktu ekologikoen kontsumoa sustatzeko duten hitzarmenaren ekintza baten barruan kokatzen da.
Oraingo honetan, proiektuaren izenburua Nazioarteko sukaldaritza Nafarroako elikagai ekologikoekin da. Menuez gain eta CPAEN/NNPEKekin lankidetzan, Lorea Lozada Monasterio tabernako sukaldariak eskola magistrala emango die ikasleei, etorkizuneko sukaldariei Nafarroako elikagai ekologikoekin nazioarteko platerak nola prestatu erakusteko. Lorea Perukoa da, baina duela urte asko etorri zen Nafarroara. Bere sukaldaritzan Ekoalden erositako elikagai ekologikoak erabili ohi ditu eta bere herrialdeko platerak egin ohi ditu. Gainera, proiektuaren esparruan, Burlatako LHIIko ikasleek Martinelli pastak bisitatu dituzte, Beriainen artisau-pasta eta pasta ekologikoa egiten dutenak.
Burlatako LHIIko menu ekologikoetan izena emateko 623 980 523 edo 848 430 129 telefonoetara deitu behar da astelehenetan 11etatik 12etara.
