Artzai Egunak, artzaintzaren omenezko jaiak, bere 56. urteurrena ospatu zuen joan den abuztuaren 25ean, eguraldiak lagunduta, eta milaka pertsona hurbildu ziren Uharte Arakilera eguna pasatzera. Berrikuntza gisa, aipatzekoa da lehen aldiz gazta ekologiko onenaren saria sortu dela eta Dorraoko Utxama Gazta izan zen irabazlea. Bizirik dirauen sektore dinamiko baten errekonozimendua da honakoa eta Nafarroako bost gaztandegi ekologikok parte hartu dute lehiaketan ardi latxaren gaztekin.
Dorraoko Utxama gaztandegian Felix Resano eta bere familia artzainak eta ardi latxaren gazta egileak dira. Gainera, beharrezko bazka lantzen dute eta herriko larre eta basoak aprobetxatzen dituzte, baita Urbasa eta Andia mendietan bazkatzen ere uda garaian.
Iaz ere bost gaztandegiek hartu zuten parte lehiaketan: Iturgoiengo Axuribeltz, Altsasuko Larrezabal Eco, Dorraoko Utxama, Gartzaingo Uhaldeko eta Erronkariko Tetxe.
