Borraja Komandoak bolondres bila dabil, Arga ibaia Mendigorrian garbitzeko

Heldu den abuztuaren 28an 10.30tan, Borraja Komandoak Mendigorriako El Molino kanpingeko sarreran egoteko deia luzatu die, Arga ibaiaren garbiketan lagundu nahi duten pertsonei. Ekintza ez da soilik ibai ingurua garbitzea, baizik eta bestelako ekimen batzuk burutuko dira, garbiketa lanak aberasteko asmoz.

Garbiketaz gain, Argako uraren analista egingo da, elementu kutsakorrak aurkitzeko: metal astunak edota plastikoak. Analisia Nilsak eskainitako laborategi mugikorrean egingo da.

Bestalde, ostiral honetan hasita, El Molino kanpingean “Los otros peces del rio” erakusketa aurkeztuko da. Bertan, 20 paneletan, gure ibaietan hartutako hondakinak ikusi ahal izango dira, Borraja Komandoak abuztuaren 28an kendu nahi dituen “beste arrain horiek”.

Garbiketaren ondoren, materialak birtziklapenerako kolore anitzetako poltsetan sartuko dira eta hitzaldi labur bat emango da gaiaren inguruan, Mankomunitatearen eskutik.

Komandoaren Ekimena, jolas giroan amaituko da, El Molino kanpingak eskainitako hamaiketako ekologikoarekin eta Mikel Alcasena eta Fran Yoldik eskainitako kontzertuarekin.

Plastikoa, ibaietatik itsasora

Urtez-urte, ibaiek 1,15 eta 2,41 tona karratu hondakin plástico garraiatzen dituzte ozeanoetara. Hauen deskonposatze prozesu motelaren eraginez, plastiko eta mikroplastiko irla handiak sortzen ari dira,  itsas ekosistema gogor kaltetuz.

Ekimenaren helburua, ixurtzeok leuntzeaz gain, hondakinen eraginaren eta ibai ingurua garbiago mantentzearen inguruan jabetzea da.

Egitaraua

Ibairako edo busti daitezkeen oinetakoak eramatea beharrezkoa da. Gainontzeko materiala bertan eskuratu ahal izango dute parte-hartzaileek.

10:30tan. Bolondresei ongi etorria, talde banaketa eta bakoitzak garbituko duen cunearen inguruko informazioa. Taldeak, printzipioz, ibai ertzetatik bi kilometrotara bidaliko dira, elkargunetzat kanpinga izango delarik. Bilketa 13.00tan bukatuko da.

13:00ean. Parte-hartzaileen eta jasotako hondakinen argazkia. Uraren analista laborategi mugikorraren eskutik. Jarraian, erakusketara bisita eta begiraleen hitzaldia, ibai gune eta haien kalitatean gizakion esku-hartzearen inguruan.

13:30an. Hamaiketakoa El Molino kanpingean, Mikel Alkasena eta Fran Yoldiren musikarekin, eta eskertze opariak bolondresei.