Familientzako elikadura osasungarriari buruzko tailerrak eta Ekoplanak Ekoaulan

Elikadura osasungarriari buruzko tailerrak familientzat

Ekimen nabarmenetako bat Tina Asensio sukaldariak Caballo Blanco sukaldaritza eskolan elikadura osasungarriari buruz emandako tailerra izan da. Iruñeko ikastetxeetako guraso elkarteetako gurasoei zuzendutako jarduera hau hiru saiotan garatu zen.

Tailerretan, parte hartzaileek osagai ekologikoekin hainbat errezeta egin zituzten, hala nola wok barazki eta tempeh marinatuz betetako takoak, gari sarrazenozko krepeak eta elikagai ekologikoek familian eskaintzen dituzten aukerak erakutsi zituzten beste plater osasungarri batzuk.

Ekoplanak: zuzeneko ikaskuntza finka ekologikoetan

Ekoplanak eta CPAEN/NNPEKeko operadoreentzako hezkuntza-bisitak ere egin dira. Jarduera horiei esker, ikasleek bertatik bertara ezagutu ahal izan dituzte ekoizpen ekologikoko proiektuak eta bertako produktuak, freskoak eta ekologikoak kontsumitzearen garrantziaz jabetu dira. Gainera, bisitetan CPAEN/NNPEKek emandako produktu ekologikoekin egindako haimaiketakoak gozatu zuten.

Santestebaneko eskolak Gartzaingo Andalorreko okindegia bisitatu zuen. Bertan, ikasleek ogia egiteko prozesua ezagutu zuten eta ogia egiten parte hartu ahal izan zuten. Horrez gain, Anizko Jauregia Gasnategia ere bisitatu zuen. Bertan, hainbat esneki nola egiten diren ikusi zuen, hala nola esnea eta gazta. Lekarozko eskolak ere Jauregia Gasnategia bisitatu zuen beste goiz batean.

Bestalde, Irunberriko Arangoiti ikastolak Koldo Vicenteren Otsagabiako finka bisitatu zuen, duela gutxi CPAEN/NNPEKen inskribatutako abeltzaina. Goizean zehar, haurrek gatzatuak egin zituzten, gandera ikusi zuten eta Nafarroan dauden arraza ezberdinak eta gazta egiteko prozesuari buruz ikasi zuten.

Menu ekologikoak eta formazioak

Ekoaularen hitzarmenaren esparruan, CPAEN/NNPEKek Ausolan enpresarekin kolaboratzen du, Nafarroako ikastetxe ugaritako jantoki zerbitzuaren enpresa arduradunarekin.
Martxoan eta apirilean, 70 ikastetxe inguru sartu zituzten elikagai ekologikoak eguneroko menuetan. Gainera, ikastetxe horietako 11 elikadura ekologikoari buruzko prestakuntzetan parte hartu zuten: British School, Vázquez de Mella, Paderborn, Liceo Monjardín, Alaitz, San Juan de la Cadena, Buztintxuri (D eta A ereduak), Hegoalde, Mendillorri-Elorri eta Joakin Lizarraga.

Elikadura osasungarri eta iraunkorrarekiko konpromisoa

Ekimen horien bitartez, CPAEN/NNPEKek eta Landa Garapeneko eta Ingurumeneko Departamentuak lanean jarraitzen dute elikadura osasuntsua, orekatua eta askotarikoa sustatzeko, ekologikoetan, sasoiko eta hurbileko produktuetan oinarrituta.