Ecoprolivek, Gobeiesek eta Nafarroako Boilurrak Gabonetako Azokan parte hartuko dute, urtarrilaren 15etik urtarrilaren 6ra arte, produktu ekologiko gozoekin. Azokak berrogei elikagai eta opari postu baino gehiago izango ditu eta ordutegia 10: 30etik 14: 00etara eta 17: 00etatik 20: 30era izango da, Sarasate pasealekuan.
Eguberri hauetan Nafarroako hiru enpresa ekologiko izango dira Iruñeko Gabonetako Azokan: Ecoprolive (olioa eta ongailuak), Gobeies (ahabiak eta risottoa) eta Trufa de Navarra (neguko boilurra). Hiru astez, CPAEN/NNPEK ziurtagiria duten elikagai ekologiko hauek dastatu eta erosi ahal izango dira.
Gobeiesen, basoko produktuetan eta produktu naturaletan adituak dira, azukrerik gabeko ahabi deshidratatu ekologikoa eta onddo ekologikoko rissottoa eramango dituzte azokara. Gobeiesen atzean Tatxo Martinez eta Natalia Castellanos daude, perretxiko eta onddoetan espezializatutako Iruñeko denda bakarraren jabeak.
Oliba-olio birjina estra eta beste produktu batzuk ere erosi ahal izango dira Isanatur-Ecoproliveren postuan. Garesen dago, eta Ecoproliven modu integralean lantzen dute oliba, hondakinik sortu gabe, oliba-hezurra erabilera energetikorako erabiltzen baita. Hainbat produktu egiten dituzte: oliba olioa, zuntz prebiotikoa, oliba estraktua, oliba ongailuak eta oliba zizka-mizkak.
Sandra Izcuek eta Checho Zuastik boilurra ekoizten dute Lizarraldean, Nafarroako Trufa markaren pean, eta neguan melanosporum edo boilur beltza izango dute eskuragarri azokan. Hamar hektarea baino gehiago dituzte artadietan boilurra ekoizteko, eta duela 9 urte hasi ziren biltzen. Eguneroko lanean ezinbestekoak dira bere laguntzaileak: Ron, Trufa eta Manolito. Hauek boilurra dagoen lekuan sigi-saga markatzen eta abisatzen dute.
Gabon hauetan Gabonetako Azokatik pasatzera animatzen zaituztegu, denboraldi berezi honetako bazkari eta afarietan produktu ekologiko hauekin gozatu ahal izateko.
Av. Serapio Huici, 22 - 1ª Planta. Edificio de Peritos 31610 Villava (Navarra) | Tel-Fax: 948 17 83 32-948 25 66 42 | cpaen@cpaen.org
