Casa Pericoko udazkeneko menestra kazolatxoa Echegorreko arkume ekologikoarekin, Berbintzanako Concepción Chocarroko barazki ekologikoarekin eta Congelados Navarra enpresarekin egin da. Diplomaz gain, CPAEN/NNPEKek Nafarroako elikagai ekologikoen lote bat eman zion.
Gero eta ostalaritza-establezimendu gehiagok egin dute elikagai ekologikoen aldeko apustua beren elaborazioetarako. Izan ere, Nafarroako Kazolatxo eta Ardoaren XXI. Astean, elikagai ekologikoekin parte hartu zuten Casa Pericoz gain, Ultzama taberna (urrea), La Huerta de Chicha (brontzea), Bar Monasterio, Chester & Pisco, Akari Gastroteka eta Casa Azcona. Elikagai ekologikoen eskaria handituz doa eta bezeroei kalitate handiko elikagaiak, jasangarriak eta osasungarriak eskaintzen dizkiete, eskaintza gastronomikoa bereizteaz gain.
EKOtopaketa azaroan
Lehiaketa egunetan ezin izan baduzu kazola probatu, datorren azaroaren 3an Walter Villorria Casa Larragako sukaldaria izango da EKOtopaketako chef gonbidatua eta Nafarroako elikagai ekologikoekin egindako udazkeneko menestra proposamenarekin etorriko da.
