AFINAk kimikorik gabeko elikadura baten alde egiten du gaixo kronikoen osasuna hobetzeko

Nafarroako fibromialgia elkarteak elikagai ekologikoak banatzeko gune bat sortu du eta AFINA elkarteak kimikorik gabeko elikadura baten alde egin du. “Kimikorik gabeko produktuak kontsumitzea ez du bakarrik gaixo kronikoen osasuna hobetzen, baizik eta mina arintzeko ere balio du”, dio elkarteak. Berriki elikagai ekologikoak astean behin banatzeko puntu bat sortu dute, eta egun 30 familia inguruk erabiltzen dute “elikadura osasuntsuago” bat izateko.

Elkarteak dio “osasuna eta elikadura eskutik helduta doaz”. “Migraina, artrosis edota 20 fibromialgia bezalako gaixotasun kronikoak bere jatorria dute elikadura gorabehera batean”. 20 espezializazioko medikuk 30 urtez egindako ikerketa batean diotenez, biztanleriaren erdiak elikadura eragindako gaixotasun bat izan dezake, eta elikadura ohitura osasungarriak hori murriztea eragin dezake.

“Beste abisu bat da. Kontuan izan behar dugu elikadura ez dela bakarrik garrantzitsua osasuna hobetzeko eta gaixotasunei aurre egiteko, baizik eta gaixotasun kronikoak dituztenentzat oso baliagarria da”, diote AFINA elkartekoek. Haiek gaixotasuna dutenentzat bizi kalitate hobea bilatzen dute. “Gaixotasun hauetan elikadura ohiturak aldatzea oso onuragarria izan daiteke. Giharretako mina eta nekea murriztu dezake, eta, era berean, organoen funtzionamendua hobetzen du, bereziki, gibela eta hesteena. Hauek bereziki zerikusia dute fibromialgiaren jatorriarekin.

Hortaz, AFINA kimikorik gabeko elikaduraren alde egiten du eta kontsumo ekologikoaren alde. “Elikagai berarekin, mineral, bitamina, proteina eta karbohidrato gehiago lortzen dituzu”. Elkarteak dioenez, elikagai ekologikoek ez dute pestizida ezta intsektizida kimikorik. “Behin eta berriz merkatuko hainbat produktu kentzen ari dira ez direlako batere onuragarriak. Gainera, intsektizidek lurrean 15 urtez egoten dira erabili eta gero eta izaki batetik bestera pasatzen dira. Berdina gertatzen da animalientzako antibiotikoetan. Guk kontsumitzen dugun haragian agertzen da eta heste flora hondatu dezake.

Min kroniko gihar-eskeletiko orokorra beste disfuntzio multisistemiko ugarirekin batera azaltzen da fibromialgian. Min kronikoaren baldintzak estres psikologikoaren iturri dira kasu gehienetan, fibromialgia duten pertsonei egokitzeko eta autoerregulatzeko etengabeko esfortzua exijitzen baitie. Elkarteak 1998. urtean jaio zen gaixoak laguntzeko asistentzia psikologikoarekin eta sintoma fisikoak hobetzeko programarekin. Gainera, medikuntzan eta gizartean gaixotasun hauek aitortza gehiago izatearen alde egiten dute.