Basque Culinari Centerrek, Nafarroa eta bertako ustiapen ekologikoak bisitatu ditu

Sukaldaritza Perfekzionatzeko Masterreko 32 ikaslek Nafarroa bisitatu zuten martxoaren 20 eta 22a bitarte, bertako gastronomia, produktu eta ekoizleak ezagutzeko. Ibilbidean hego iparretik, ekoizpen ekologikoari arreta berezia eman zitzaion eta etorkizuneko sukaldariek argi ikusi zituzten honakoak: ekoizpen ekologikoaren konpromezua lurraldearekin eta ekoizleek duten lotura eskualdearekin.

“Gure herrialdeetara eraman behar ditugun ikasketak dira, gure lurra defendatzen jakin behar dugu, gure produktuak ere. Apustu egin behar dugu ekologiaren alde zuek hemen egin bezala” adierazi zuen Aurora dominikarrak bisitan. Bertaratutako mundu osoko 32 ikasleek Nafarroa zeharkatu zuen hegoaldetik iparraldera martxoan. Angel Fernandez de Retana eta Iñaki Alava irakasleek lagundu zituzten, Mikel Zeberio kritiko gastronomiko eta nazio mailako gastronomia saridunaren laguntzaz. Bisita Bio Traillan hasi zen, Buñuelgo baratzetan eta oinez Ebro ibai hertzeko parajea ikusi zuten. “Inoiz ez ditugu gaur hemen destatutako kukuluen parekorik jan, baratzerik hartu eta horrela jan ditugu, olio-ozpindu gabe ere zapore paregabea zuten”, esan zuen harrituta Alaeerton Doarte sukaldari Brasildarrak. Haren catering-ak asteburuero 3.000 pertsonari baino gehiago ematen die jaten. “Lur honen zaporea eramaten dugu, baita pertsona eta erabiliko ditugun produktuak ezagutu izana, konpromoezu eta maitasun eskola ziragarria eman digute”.

Buñueldik Murchantera mugitu ziren, eta Bardeetan artzain sukaldaritza ezagutu zuten: migak eta untxia barraskiloekin.

Gauez Remigion barazki afari zirraragarriaz gozatu zuten. Jatetxea Nafarroako jatetxe ekologikoen sareko kide da eta oturuntzan Bio Traillako baratzeko produktuak eskaini ziren. Zirraragarritasuna aldebikoa zen, batetik barazkien kalitatearengatik, eta bestetik Luis Salcedo sukaldariak egindako lan bikainarengatik. Salcedo tokiko barazki sukaldaritzako buruetako bat da.

Bigarren egunean bi upeltegi bisiatu zituzten: Olibako Monasterioa, non ardo ekologikoak prestatzen diren, eta Ochoa upeltegia, ekologikora salto emateko bidean dagoena. Ikasleek ez zuten monastegien lana ezagutzen gastronomiari dagokionean ezta euren konpromezua ekologikoarekiko. Monastegiko Abade den Isaac Totoricak esan bezala “gure ardogintza ekologikoa da monjeek beti gauzak ingurugiroarekiko errespetuan egitea balioetsi izan dugulako eta artisauak garelako. Gure ikuspegiaren ondorio logikoa da”.

Eguerdian Iruñeko pintxoak ezagutu zituzten: Rio, Gaucho eta Baserriberri. Eta arratsaldean Casa Gurbindon sukaldaritza eskola izan zuten, Nafarroako jatetxe ekologikoen sareko hiru tabernatako beste horrenbeste sukaldarirekin: Jesus Iñigo, Abaco, Pilar Idoate, Europa eta Iñaki Andradas, Baserriberri.

Bihotza pozik, garuna ezagutzaz bapo eta oinak nekatuta amaitu zuten bigarren eguna.

Hirugarren egunean Martiko bisitatu zuten eta hortik Maskarada, bertan euskaltxerria bererskuratzen ari dira, eta hor dastaketa egin ondoren Altsasura joan ziren Patxi Amilianoren lana ezagutzera, Larrezabal Eco markako gazta ekologikoaren prestaketa ikusteko. Amiliano konpromisoaz mintzatu zen, naurarekiko, lurraldearekiko eta norberarekiko. Lehendabiziko kontaktua gogorra izan zen harentzat. Patxi Amilianok gauzak argi nahi zituen eta ikasleek azkar antzeman zuten hori, eta giroa lasaitu zen. Bere emazte eta semearen laguntzaz gaztak erakutsi eta lana ulertzeko era igorri zien. Harrituta geratu ziren ikasleak eta itzulerako autobusean familiaren lana goraipatzen zuten etengabe: landatik eta larretatik, gaztaren ekoizpenera, eta ongarri zein ardi latxen zaintzari errerparatuta.

Azken finean bere oroitzapenean gordeta geldituko den  bisita, haiek esanda “orain arte egindako hoberena”. Bertan ekoizpen ekologikoak ere aztarna utzi du ikasleengan, etorkizuneko sukaldaritzako profesionalengan.