Biochef programaren bigarren edizioa

Noaingo jatetxe eta tabernak bildu nahi dituena ingurumen jasangarritasunaren alde egiteko apadrinatutako zonalde berdeen bidez, eta tokiko lana ere sortuz.

Ideia da hiri-espazioetan, Noaingo kasuan bezala, edo “mugi daitezkeen lorategietan” Iruñean parte hartzen duten jatetxeen ondoan daudenak, hainbat lorategi enpresek haien barazkiak, jan daitezkeen loreak eta usain lore ekologikoak landatzea geroago jatetxe eta tabernetan kozinatzeko erabiltzeko. Aranzadiko Parkeko Lorategi Tailerra Eskolako ikasleek egin dituzte Iruñean eta Zizurren dauden 14 establezimenduen gurdi txikiak. Biochefeko logotipoa eramanen dute parte hartzen duten negozioek eta osagaiak haien sukaldeetan erabiliko dituzte; modu honetan, bezeroek hasieran despentsa ikusiko dute, eta gero mahaian janen dute.

Hurrengo 10 edo 12 hilabeteerako landatu denaren zainketa bi udalen esku egonen da. Proiektu honetan erabilitako material guztiak birziklatuak dira, barazki eta landareak ekologikoak eta “0” kilometrokoak. Horrek esan nahi du horien garraioa kutsadura minimoarekin egin dela gertukoak direlako eta, aldi berean, ziurtatzen da labore ekologikoetan dutela jatorria NNPEKk kontrolatzen duelako. Hortaz, filosofia hauxe da: alde batetik, jatetxe eta tabernei eskaintzen zaie haien bezero potentzialak proiektatzea berrikuntza eta iraunkortasun konpromisoarekin, bestalde, turismo gastronomikoa eta mundua zaintzeko kultura sustatzen da, eta, azkenik, tokiko lana bultzatzen da.

Ikasturte osorako askotariko egitaraua

Biochef-eko bigarren edizio hau 2019ko udaberrira arte luzatuko da eta askotariko jarduerak antolatu dira. Horietako bat da sukaldaritza lorategien lehiaketa, ekainaren hasieran egindakoa edo sukaldaritza klase magistralak, dagoeneko martxan daudela eta gutxienez lau ikastaro izanen dituena aurten. Elikagai ekologikoekin eginen dira sukaldaritza tailerrak; modu honetan erakutsi nahi da Nafarroako baratz ekologikoa dituen aukerak urteko lau sasoietan; gainera, horietako mota asko ez dira ohiko produkzioen bidez lortzen, baratz txikietako hazi zaharretatik datozelako.

Gainera, aurtengo irailean Bionoain eginen da, eta Biochefek ekitaldiaren barnean sukaldaritza lehiaketa bat eginen da. Datozen hilabetetan argibide gehiago emanen ditugu.

Paella erraldoi bat lehiaketarako

Ekainaren erdialdean ospatu zen sukaldaritza lorategien lehiaketa, eta Arguedasko arroza ekologikoarekin eta barazki ekologikoekin egindako paella egin zen 300 pertsonentzako. Gainera doako 400 pintxo banatu ziren. Bai paella eta baita pintxoak ere NNPEKk eskaini zituen, lehiaketaren bozketan parte hartu zuten pertsonei. Denera, 2.398 boto egon ziren, parte hartze arrakastatsuarekin.

Parte hartzen duten jatetxe eta lorategi enpresak

Parte hartzen duten jatetxeak: Rodero, Errejota, Martintxo Erretegia eta Sagardotegia, Gaucho, Ábaco, Alhambra, Europa, Merca’o, Mandarra de la Ramos, Hotel Tres Reyes, Baserriberri, Larraina y Obas. Jatetxeei, gainera, gehitzen zaie París 365 eta Canal Cocina, aurten 20. urteurrena ospatzen ari dela.

Lorategi enpresak: Ferrovial, Fundación Ilundáin, Zizurbide, Msg paisajismo, Urbaser, Tasubinsa, Lantxotegi, Toni córdoba, Rgl Lorezaintza, Iruña Medioambiente, Josenea, eta Escuela Agraria C.I. Agroforestal.