Argitalpenak jasotzen duen bezala, honako hauek dira Nafarroan testuinguru horretan nabarmendu daitezkeen mugarri nagusiak:
• Elikadura Burujabetzari buruzko Parlamentu Irekiak (2016, 2018).
• 2018/2 Kontratu Publikoei buruzko Foru Legea eta 17. Xedapen Gehigarria, nekazaritzako elikagaien kalitateari buruzkoa.
• Nafarroako Erosketa Publikoaren eta Elikadura Burujabetzaren Taldea (GCPN) sortzea;
• Hemengoak-De Aquí proiektua eta tokiko ekoizle ekologikoak aurkeztu eta esleipendunak diren lehenengo lizitazio lurraldetua.
• Iruñeko Udalaren Etxez etxeko Laguntza Zerbitzuaren (ELZ) elikadura-zerbitzurako lizitazioa.
• JanGela sortzea, Nafarroako lurralde osoko ikasleen gurasoak (AMYPAS) biltzen dituen elkartea.
• Nafarroako eskualdeko eskola-jantoki publikoen elikadura-zerbitzurako lizitazioa.
• Ekoalde sortzea, Nafarroako lehen sektore ekologikoaren egituraketa eta profesionalizazioa bultzatu duen ekoizle eta elaboratzaile ekologikoen elkartea.
• Elikagai ekologikoak eta gertukoak sartzea Nafarroako Ospitalean.
Txostenean zehatz-mehatz jasotzen dira Nafarroan erosketa publikoa sustatzen eta egituratzen lagundu duten eragile eta mugarri guztiak. Elikagaien erosketa publiko jasangarria lortzeko, esparru arautzaile eta arauemaile bat behar da, haren ezarpena sustatzeko, bai eta elikagai-sisteman inplikatutako eragile guztien lankidetza eta artikulazioa sustatzeko ere. Elikagaien erosketa publiko arduratsua funtsezko tresna da elikadura-sistema osasungarriagoak eta iraunkorragoak eraikitzeko.
