Nafarroa Saltsa Berdean, CPAEN/NNPEKko errezeta ekologikoen lehiaketaren hirugarren edizioa

Nafarroako elikagai ekologikoekin sukaldatzeak saria du. CPAEN/NNPEKek hirugarren urtez abian jarri du Nafarroa Saltsa Berdean errezeta-lehiaketa. Ekimen horren bidez, parte hartzen dutenek 150, 100 eta 50 €-ko sariak irabazi ahal izango dituzte, elikagai ekologikoekin lan egiten duten tokiko merkaritza txikian kontsumitzeko.

Lehiaketa honen bidez, tokiko produktuen ekologikoen aldeko apustua egiten duten 65 saltokiak ezagutarazi nahi dira. Sektore hori funtsezkoa da CPAEN/NNPEKrentzat, eta kontsumitzaileei Nafarroako ekoizle ekologikoen ekoizpena helarazten die. Saltoki horiek Iruñean eta Nafarroako beste herri batzuetan kokatuta daude, bertako jendearekin harremanetan, eta, gero eta gehiago, elikagai osasuntsuak, sasoikoak, ekologikoak, landuak eta hemen ekoitziak eskatzen dituzte.

Besteak beste, dendak, ekodendak, belar-dendak, harategiak, ardotegiak, fruta-dendak eta kontsumitzaileen elkarteak dira. Salmenta-puntu horiek, gainera, merkaturatze-bide garrantzitsua dira ekoizleentzat, haien ekoizpena aurrera ateratzeko.

Nola parte hartu

Nafarroa Saltsa Berdean lehiaketan parte hartu nahi dutenek oso erraz dute. Elikagaiak CPAEN/NNPEK sareko denda ekologiko batean erosi behar dituzte, errezeta bat prestatu, argazki bat egin eta, errezetarekin batera, cpaen@cpaen.org helbidera bidali, osagaiak erosi dituen denda adierazita.

Facebook, Twitter eta Instagramen ere partekatu daitezke errezeta eta argazkia. Lehiaketan parte hartzeko, erosketak egin dituzten establezimendua izendatu behar da, @navarraecologica etiketatu eta #NavarraEnSalsaVerde hastag-a erabili. Errezetak jasotzeko epea azaroaren 25etik abenduaren 22ra bitartekoa da.

Errezetak baloratzeko, jasangarritasun-irizpideak hartuko dira kontuan, hala nola osagaien jatorria eta sasoikoa izatea, bai eta errezetaren sormena ere.

Sari bat bezeroentzat, dendarentzat eta jatetxeentzat

Lehiaketa honen originaltasuna da kontsumitzaileek, salmenta-puntuek eta ostalaritzak irabazten dutela. Alde batetik, errezeta-lehiaketa irabazten duenak 150 €-ko kupoia jasoko du lehen saria irabazten badu, 100€ bigarrenak eta 50€ hirugarrenak, bere denda ekologikoan gastatzeko. Bestetik, osagaiak erosi dituzten dendek bermatuta izango dute zenbateko horien erosketa beren saltokietan, baina, gainera, arduradunek kupoi bat jasoko dute, aukeratzen duten Nafarroako Jatetxe Iraunkorren Sareko jatetxean gastatzeko sariaren baliokidea. Eta asko dute aukeratzeko: Michelin izarra duten jatetxeak, erretegiak, pizzeriak, eguneko menua duten jatetxeak edota makrobiotikoak. Hogeita hamar establezimendu baino gehiago Nafarroa osoan zehar elikagai ekologikoekin.

Horrela, CPAEN/NNPEKek elikadura ekologikoan aritzen diren saltokiak eta elikagai horien alde egiten duten jatetxeak ezagutarazten lagundu nahi du. Gainera, salmenta-puntu horiek merkaturatze bide laburrak eta tokiko kontsumoa sustatzen dituzte, garapen jasangarria eta landa-mundu biziari eustea bultzatuz.

Lehiaketaren, denden eta jatetxeen inguruko informazio guztia https://www.navarraecologica.org/eu/gastronomia-eta-dendak/navarra-en-salsa-verde helbidean.