Ostalaritzako gero eta establezimendu gehiagok Nafarroako elikagai ekologikoak ezagutu eta zerbitza ditzaten, CPAEN/NNPEKek bisita bat antolatu zuen AEHNko ostalariekin Ekoaldera, Nafarroako nekazaritza ekologikoaren gune logistikora. Aukera horretaz interesatuta, dozena bat pertsonak parte hartu zuten jardunaldian, AEHNko ordezkarien eta elkartutako establezimenduen artean.
Jardunaldia CPAEN/NNPEKeko lehendakari María José Arrondoren aurkezpenarekin hasi zen. CPAEN/NNPEKek Ekoalde bultzatu zuen 2018an, INTIArekin eta Nafarroako Nekazaritza Ekologikoko Enpresen Elkartearekin batera. Helburua: banaketa-kanal laburrak sortu eta sustatzea, sektorearen jarduera sendotzeko eta Nafarroan ekoitzi eta landutako produktu ekologikoen balioa nabarmentzeko.
Era berean, Arrondok Nafarroako sektore ekologikoaren egoeraren berri eman zien bertaratutakoei: "Hedapen prozesu betean dagoen sektorea da, 800 operadore baino gehiago eta 2.500 elikagai ditu ziurtatuta Nafarroan. Gaur egun, 66.000 hektarea baino gehiago ditugu ekologikoan Nafarroan, eta gero eta pertsona gehiagok eskatzen dituzte elikagai osasuntsuak eta modu jasangarrian ekoitzitakoak, sektore estrategikoa baita”.
Ondoren, Ekoalderen bisita gidatua Jon Garay koordinatzailearen eskutik izan zen. Ekoizpenetik hasi eta banaketaraino, Ekoalde etorkizun ekologiko eta kontzienteago baterako aldaketa bultzatzen ari da. Ekoalden establezimenduek webgunearen bidez egiten dituzte eskaerak, ondoren zuzenean ekoizleekin kudeatzeko, harrera eta bidalketak establezimenduei egiteko eta faktura bateratu bakar bat entregatzeko. Horrela, produktu ekologikoetarako sarbidea errazten da enpresei banan-banan eskaerarik eskatu behar izan gabe eta kudeaketa sinplifikatuz.
Jardunaldia amaitzeko, CPAEN/NNPEKeko Goiza Isiegas EKOchef-ek bazkari ekologiko goxoa prestatu zuen, elikagai organikoen zaporea eta kalitatea nabarmenduz.
