CPAEN/NNPEKek produktu ekologikoekin egindako pintxo onenaren saria eman zuen atzo. Kasu honetan, Lorea Lozada Monasterio Tabernako sukaldariak jaso zuen saria, Nafarroako produktu ekologikoekin egindako perutar ukitua duen proposamenarekin. Kusi (Alegria quechuan) izeneko pintxoa arto-kurruskaria da, kalabaza purez eta batata espeziatuz betea. Nafarroako txahal ekologikoarekin, maracuyako maionesa, azenario ozpinetakoak, martorri airea eta lima. Monasteriok Ekoalderen bidez jasotzen ditu elikagai ekologikoak; kasu honetan, haragi ekologikoa Trigo Limpiokoa da, El Puente Viejo-ko kalabaza, Salinas de Oro-ko gatza, Ecovinal-eko sagardo-ozpina eta batata tipulina, martorria eta azenarioa Finca La Noriakoa. CPAEN/NNPEKek Monasterio Tabernako talde osoa zoriondu nahi du, jatetxeetan gero eta presentzia handiagoa duten Nafarroako elikagai ekologikoen apustuagatik.
Pintxoaren Astearen irabazle nagusia Akari Gastrotekako Goiza Isiegas izan zen, Amuarraina edo Tronkoa proposamenagatik. Amuarrain piriniar nafarraren zaporea duen enbor baten itxura du pintxoak, bertako produktu ezezaguna jende askorentzat. Zazpi urte dira Goiza Isiegasek, bere bikotekidearekin batera, Akari Gastroteka sortu zuela. Kalitate handiko eta abangoardiako sukaldaritza proposatzen duen gunea da, Lezkairuko Sotoko plater tradizionalak ahaztu gabe.
Iaz Goiza izan zen CPAEN/NNPEK kanpainaren bideoetako baten protagonista Etorkizuna ekologikoa da! Aurrera goa! Kanpainan, eta bertan elikagai ekologikoekin kozinatzearen onurak nabarmentzen ziren. Goiza pixkanaka hasi zen bere kartan elikagai ekologikoak sartzen, eta oso pozik dago emaitzarekin. Orain, elikagai batzuk jasotzen ditu Ekoalde Nafarroako elikagai ekologikoen zentro logistikoaren bidez, eta ostalaritzako beste establezimendu batzuk bertako produktuak eta produktu iraunkorrak erostera animatzen ditu.
Aurten ere harekin elkarlanean arituko gara, eta elikagai ekologikoen enbaxadorea izango da hainbat azokatan, parte-hartzaileen produktu ekologikoekin showcooking-a egiteko. Data hurbiltzen den heinean, informazioa aletzen joango gara, baina aurreratu nahi dugu BioCultura Bilbao, Bioterra eta Nafarroa Ekologikoaren VIII. Azokan parte hartuko duela.
Zorionak bai Loreari eta bai Goizari!
