Tomateak udakoak dira eta aza negukoa da. Badakigu, baina batzuetan ongi etortzen da gogoratzea. Orain, udaberrian, Nafarroako baratzeak zainzuri, orburu, baba eta guztiz betetzen dira, eta gerezi eta marrubi denboraldia maiatzean hasiko dugu. Gozo-gozoak izateaz gain, gure osasunerako onura handiak dituzten jakiak dira, sasoian kontsumitzen ditugunean nutrizio-onura guztiak aprobetxatzen baititugu.
Elikagai bakoitzak ziklo bat eta denboraldi bat ditu klimatologiari eta landatzen den lurrei dagokienez. Sasoiko produktuak kontsumitzea heltze-punturik onenean jaso diren produktuak kontsumitzea da, bidezko prezioan, eta tokiko ekonomiari mesede egiten diona.
Egutegi hau tresna berri bat da elikadura osasungarriagoa eta jasangarriagoa izan dezazun, sasoiko elikagaiak kontsumitzea ere hobea delako zure osasunarentzat eta zure poltsikoarentzat, elikagaiek ez dutelako hainbeste kilometro egin behar izan, eta, era berean, ingurumen-inpaktua minimizatzen dutelako.
Sasoiko elikagaiak aurkituko dituzun gure
Salmenta Puntuen Sarea ezagutzera animatzen zaitugu, baita Iruñeko Autobus Geltoki Zaharreko Nasetan gure hileko
EKOmerkatua bisitatzera ere.
