'Sustainable eating', nutrizioa, elikadura eta ekoizpen ereduari buruzko dokumentala

Heldu den urriaren 20ean, Lizarrako Fray Diego Kultur Etxean 'Sustainable eating' dokumentalaren emanaldia egonen da. Dokumentala elikadura, nutrizioa eta gaur egongo ekoizpen ereduaren inguruko hausnarketa da. NNPEK-k eta Nafarroako Erosketa Publikoaren taldeak antolatuta, emanaldia eta gero mahai-ingurua egonen da Carlos Sabater dokumentalaren zuzendariarekin, Giuseppe Rusolillo Espainiako Nutrizioaren Akademiako zuzendariarekin eta Aritz Ganboa Arruazuko artzaina eta dokumentalaren parte hartzailea.

Elikagai ekologiko eta jasangarriak ekoizten dituzten ekoizleen eskutik (artzainak, okinak eta arrantzaleak), dokumentalak azaltzen du nola ekoiztu elikagaiak modu jasangarri batean, eta, era berean, zeintzuk diren elkarrizketatuen motibazioak modu horretan egiteko. Aldi berean, elikagai industriaren inguruko hausnarketa presente dago haien hitzetan.

Gainera, nazioarteko nutrizionistek (Kate Geagan, Pedro Graça, Suzan Tuinier) haien ikuspuntua ematen dute munduaren osasunaren inguruan eta aditzera ematen dute elikadura jasangarri batek munduko ekosistema lagunduko dezakeela. Izan ere, aztarna ekologikoaren %25 eta %35 artean elikagaiak ekoiztean eta kontsumitzean sortzen da. Ekoizpen jasangarri eta elikagaien kontsumo arduratsu batekin posible da kalte ekologikoa murriztea.