Barazki ekologikoak Argaren ertzetan

Elkarkideko baratzeak Iruñeko erdigunean daude. Lursail zabala eta berotegiak dituzte, eta, horietan, sasoiko barazki mota ugari landatzen dira. Hor bertan dagoen saltokian eros daitezke, astelehenetik ostiralera.

Elkarkide gizarte-ekimeneko enpresa bat da, 1991n sortua gaixotasun mentala duten pertsonen okupazioa eta enplegua sustatzeko. Beharrean dauden pertsonentzako lanpostuak sortzen ditu, hiri-baratzeak ezarri eta garatzen ditu, bai eta Nekazaritza Ekologikoarekin zerikusia duen guztia ere.

Arga ibaiaren ertzetik doan hamaika kilometroko bidea da. Magdalenako baratzeetatik hirian sartzen da, Arrotxapea auzoa zeharkatzen du eta, hirigunera hurbildu ondoren, Sanduzelai auzotik urruntzen da.

Pasealekuak Iruñerriko herri askoren ertzak ere zeharkatzen ditu, hala nola Burlata, Atarrabia, Arre, Barañain edo Zizur Nagusia.

Ibilbide horrek, ibai-parkeak eta uraren eta landaretzaren sinbiosiak, hainbat leku barrena gidatuko zaitu: zubi historikoak, presak, errotak, pasabideak, lorategieak, parkeak, ontziralekuak, askaldegiak, arrantza-puntuak, baserriak, baratzeak, zaldi eta behiak, iturriak eta Ingurumen Hezkuntzako Museoa (Errotazar kalea z/g 31014 Iruñea).

Katakrakeko Kantina
Produktu ekologikoak eta garaikoak. Gertuko baratzekin, etxaldeekin eta mahastizainekin dugu harremana. Elikadura subirautzarekin, ekonomia sozial eraldatzailearekin eta ongi jateko tokiekin zirkuitu bat osatzen dugu.